Ôi 18/4, ta Ngih Chính phủ, Thủ tướng Phạm Minh Chính wơt wa Jeffrey David Perlman, Tổng giám đốc ƀĭt joet Prăk nkrem ntuh kơl Warburg Pincus (Hoa Kỳ) ngoăy tâm âk prăk nkrem ntuh kơl bôk năp lam ntŭr neh. Ta nar wơt, Thủ tướng Phạm Minh Chính uănh lah prêh ăp nău ƀư kan ndrel tăch rgâl geh săk rnglăy bah Prăk nkrem ntuh kơl đah ăp nuĭh kan ndrel Việt Nam, tâm nĕ geh doanh nghiệp ngih dak n’hanh doanh nghiệp ƀư êng.

Dăn đă Prăk nkrem ntuh kơl ntop kơl tay tơm prăk an Việt Nam, ntuh kơl tay ta Việt Nam đah têh âk lơn, hvi lơn, dŏng săk rnglăy lơn. Tổng giám đốc Prăk nkrem ntuh kơl Warburg Pincus mĭn lah ăp doanh nghiệp Hoa Kỳ uănh Việt Nam lah nuĭh dŭt nsing nơm n’hanh nsing nơm tâm nău geh, mpŏng geh jŏ jong bah Việt Nam; nchrăp mbơh ntĭm, kơl n’gluh an trong mkra ndrel geh mpeh soăy đah 2 dak Việt Nam-Hoa Kỳ; nkre mbra rgŏ jă dăng tay ăp nuĭh kan ndrel êng mpeh nău geh hun hao bah Việt Nam; nsrôih rgop an tâm boh Việt Nam-Hoa Kỳ.