Tâm ntŭk kan Chính phủ, Thủ tướng Phạm Minh Chính ƀư tơm nar rƀŭn Rnâng kan Chính phủ gay mêt uănh nau kan, bonh đă nau kan, ntrŭt dăng ngăch nau ƀư Bôk nkra trong loih hăn ngăch Bắc-Nam ndrel ăp nau nkra trong loih tơm tâm ăp n’gor. Thủ tướng đă ăp n’gâng kan, ntŭk kan, n’gor nsôih ngăch, nchrăp ƀư, ndal rgâl, săk tam lơn râm nau ntrŭnh ƀư kan, rklaih ăp nau nkol, tâm nau mât tâm dăch ăp rđay đă bah Bộ Chính trị, Quốc hội, Chính phủ. Tâm nê, ƀư jêh ăp nau dơi ntrŭnh, nau kan, nsing tâm nau dơi geh, nau dơi tŏng bah dak ba dih yơn tâm di ma nau geh dơi Việt Nam gay geh nau dơi ntrŭnh ân tâm ban tâm lam dak. Ƀư jêh ăp nau kan ntuh kơl, pă tơm prăk tŏng dơi nau đă, nau ngăch, nkre nsôih rdâng nau sa khâm, nau tât khuch, nau geh nsum.

            Thủ tướng đă ăp n’gor ân rgum rđau rklaih ntrơn ăp ntŭk ân geh nkra trong, pă ntŭk gŭ, đăp mpăn ngăch, năn, nau rêh bah nŭih ƀon lan tâm ntŭk gŭ mhe ueh lơn tâm ntŭk gŭ ơm, đăp mpăn ntŭk ntu gung trong nau rêh tŏng, mât pă kan pah, nau kơl an nau rêh bah ƀon lan. Thủ tướng jao ân N’gâng kan tơm prăk ndal uănh rjăp, mbơh đă ƀư Bôk nau kan ndâk tay nau ƀư bah Tổng công ty trong loih Việt Nam; Bộ Công thương ƀư jêh nau kan gay ndŏ mbơh nau ân ƀư Bôk nau kan hun hao công nghiệp trong loih tâm khay 3 năm 2026, nkre lŏ đă ƀư nau kan, nau ntrŭnh ân tâm di ma nau geh dơi./.