Lah ta rơh pah kan, Tổng Bí thư, Kruanh dak Tô Lâm lah rjăp, lịch sử rlăch ndăng mât rnă njrăng neh dak, đăp mpăn lam rêh jêng kon nuĭh hŏ an saơ nău khlay kan, ntŭk gŭ kan mha êng bah pah kan kỹ thuật, nghiệp vụ, mô dơn nê pah kan dja hŏ geh nău khlay n’glêh an ta du đêt rnôk khlay; dŭt njrăng uănh khlay, tâm ăp năm mhe aơ, pah kan kỹ thuật nghiệp vụ geh ăp njuat hăn mhe tĭng nuih n’hâm rgâl mhe, nkrum lam lơn, Cục mô dơn nsrôih râng geh nău tam tâm ăp nău way ƀoi tơm nuĭh tih, rơh tih ma hôm lor nchrăp kan nsum mât njrăng ƀư tơm neh dak, ƀư tơm ntŭk gŭ rêh, mât njrăng n’har neh dak ma trong nkra kỹ thuật nghiệp vụ n’hanh rhŏ dŏng an rnôk hun hao wăng sa rêh jêng kon nuĭh bah neh dak. Tổng Bí thư, Kruanh dak Tô Lâm dăn đă, pơk hvi pah kan kỹ thuật, nghiệp vụ ta ăp ntŭk mhe gay lor nchrăp ntlơi ăp geh ma nău rnă njrăng n’hanh n’hao dăng mât rnă njrăng neh dak.