Tổng Bí thư, Kruanh dak Tô Lâm mâp cán bộ nuĭh pah kan Đại sư quán n’hanh nsum mpôl nuĭh ƀon lan Việt Nam ta Liên bang Nga
Thứ tư, 06:00, 09/09/2026
VOV/Nuĭh rblang: Y Sưng Phê Ja
VOV/Nuĭh rblang: Y Sưng Phê Ja
TN1: VOV.M’nông - Nkhêp rơh khâl gưl Ngih dak tât Liêng bang Nga tĭng nău jă bah Tổng thống Vladirmir Putin, ta thủ đô Moskva, Tổng Bí thư, Kruanh dak Tô Lâm ndrel I ur n’hanh mpôl đại biểu gưl prêh Việt Nam lĕ mâp cán bộ, nuĭh pah kan Đại sứ quán n’hanh nsum mpôl nuĭh Việt Nam ta Liên bang Nga.
Ntoh ngơi ta nar mâp măt, Tổng Bí thư, Kruanh dak mĭn lah, Đảng, Ngih dak uănh kơl mât uănh, njrăng n’gang ueh lơn tay nău dơi, nău geh tâm di bah nsum mpôl nuĭh Việt Nam ta dak bah dih, kơt nta nơih gay nuĭh Việt Nam ta dak bah dih nar lơ tĭng đah ƀon tơm.
Đah nuih n’hâm aơ, Tổng Bí thư, Kruanh dak Tô Lâm kuăl jă ƀon lan he ta dak bah dih rƀŏng tât âk lơn nuih n’hâm bah Nghị quyết mrô 23 bah Trung ương; nchrăp râng, jru hvi lơn tâm nău kan ndâk njêng, hun hao neh dak bah ơm, bah ngai. Nsum mpôl nuĭh Việth Nam ta Nga mât ueh tay nău way tâm rnglăp, tâm rŏng, tâm kơl ndrel; dŭt n’hâm rgum lăp, tĭng ueh bah luật ta ntŭk gŭ; ndâk njêng du nsum mpôl Việt Nam ueh blău, ngăch prăl, lĕ đah nău kan n’hanh ndrŏng geh nău ueh.
Viết bình luận