Rƀŭn nchră rgum ăp mpôl đại biểu gưl prêh, nuĭh mât bôk kan chính phủ, kruanh ăp ntŭk kan mât uănh nkual trôk bâh neh dak, ăp ntŭk kan lam ntŭr neh, ăp doanh nghiệp, mpôl kan mĭn uănh mpeh trong trôk bah bơi 130 dak lam ntŭr neh; n'hanh boăt nthoi sŏng dăng đah Trạm Vũ trụ lam ntŭr neh ISS. Rơh rƀŭn nchră geh âk nau kan tâm nchră nau ntrŭnh, mbơh nau dơi tâm boh lam ntur neh mpeh nau kan, nau kơl an, mĭn njêng-ntĭm nti mpeh trong trôk, tâm ăp nau rƀŏng tâm boh lam ntur neh ntrŭt dăng văng sa ta kalơ trôk, đăp mpăn rnă njrăng trôk yor nau tâm nchră ndrel nau tâm boh, ntrŭt dăng nau kan khoa học công nghệ joi uănh kalơ trôk yor nău rêh kon nuĭh let năp tay. Ntoh ngơi ntơm rơh rƀŭn, Tổng Bí thư, Kruanh dak Tô Lâm hŏ mbơh 5 nkô̆ nau mât kan âk ding đah ntŭk kan kalơ trôk, kuăl jă mô ân geh nau tâm lơh mô lah dŏng phao bleo, ndơ̆ an  kon nuĭh ndrel play neh tâm nklang. Wa dăn đă nău mĭn êng tĭng nĕ Việt Nam ndrel Pháp, Liên hợp quốc, ASEAN n'hanh ăp dak kan ndrel mĭn njêng ntrong kan "Ntŭk ntô yor hun hao n'hanh Nău dơi rdâng lơh", rgum tâm nău tâm pă n'hanh sŏk dŏng nău lư ntŭk ntô yor hun hao, n'hao nău dơi mât njrăng ntŭk ntô đăp mpăn, nâp nâl n'hanh boăt nthoi mĭn njêng - ntĭm nti - doanh nghiệp - ntuh kơl gay hun hao wăng sa trôk nar. Ntrong leo uănh kan mbra bôk năp rgum tâm nkual Đông Nam Á ma Việt Nam nchrăp lah ntŭk boăt nthoi tâm rgop.