Tổng Bí thư, Kruanh dak Tô Lâm rhơn ăp đồng chí geh săch ƀư Đại sứ ta ăp dak, lah na nê̆ aơ lah nău rhơn rnê nkre lah nău kan dŭt têh khlăy ma Đảng, ngih dak n’hanh ƀon lan pă an. Ăp Đại sứ mô dơn lah ntung njŏ, ma hôm nha lah ăp nuĭh ngăn ngên mbơh tơih trong kan bâh Đảng, Ngih dak, lah ăp nuĭh hăn lor tâm nău kan nchră nău đah dak bah dih. Bâh nău kan nĕ, Tổng Bí thư, Kruanh dak Tô Lâm đă ăp Đại sứ geh săch kan an n’hao nău mĭn “Mĭn kan êng, knơm, nsrôih, ryơk rnê mpôl rnoi”, n’hao nău mĭn nchră nău đah dak bah dih ta rơh mhe an tâm di đah nău nkoch rêng bâh kăl e, nău ueh êng n’hanh nău dơi mpeh chính trị, wăng sa bâh neh dak, n’hao nău kan, nău knơm bâh Việt Nam tâm n’gâng kan Chính trị lam ntur neh.