N’glôch jêh rơh pah kan, Tổng Bí thư, Kruanh dak Tô Lâm năl lah, let năp tay ân uănh năl săk blău tơm nuĭh kan, ân rgâl bah uănh khlay rnoh âk jêng uănh khlay mpeh săk blău nuĭh kan n’hanh nău rgop âk n’hanh yach ngăch kan. Tổng Bí thư, Kruanh dak Tô Lâm njrăng đă, nkual rnoi mpôl đê̆ n’hanh mpeh yôk yang geh ntŭk mha êng mpeh wăng sa rêh jêng kon nuĭh, njrăng n’gang neh dak, rnă njrăng, bri dak ntŭk gŭ rêh n’hanh tâm rnglăp lam rnoi nuĭh. Nuĭh kan nkual dja lah tơm ndơ hun hao khlay yơn hôm âk jêr jŏt mpeh nău gĭt blău nti, nău blău kan, nău ngơi yuăn, ndơ dŏng, nău lư ntŭk tăch rgâl, nău dơi tât ntĭm nti, an manh prăk, rhŏ dŏng nău kan đŏng; dăn đă, ân nta joi nău kan jŏ jong nkual ƀon lan rnoi mpôl đê̆ nkre đah nău rdâk tay suan dăng nơm n’hŭch ach o jŏ jong n’hanh mât săk tơm văn hóa yor nău kan jŏ jong bah nkual ƀon lan rnoi mpôl đê̆ mô dơn lah trong kơl nuĭh kan ma hôm lah trong kơl rnoi mpôl đê̆, trong kơl n’hŭch ach o, trong kơl hun hao kon nuĭh n’hanh rdâk nâp tay nău nsing nơm bah ƀon lan đŏng.