Ôi 14/10, ta Hà Nội, Tổng Bí thư, Kruanh dak Tô Lâm tât râng n’hanh geh nău lah ta nar khai giảng Jrô kơi năp nti nău gĭt blău, hăr ngăch đah cán bộ dăp rgum Ủy viên Ban Chấp hành Trung ương Đảng khóa XIV (Jrô nti tâl pe). Tổng Bí thư, Kruanh dak Tô Lâm râng n’hanh geh nău lah ta nar khai giảng. Jrô kơi năp nti nău gĭt blău geh 49 nuĭh nti, nti jŏ ntơm bah nar 14/10/2024 tât 25/11/2024.

Nkô̆ nti lah 33 way nkô̆ lah ăp nkô̆ nău dŭt khlay glo tơm n’hanh jâng nsing nău mĭn, lý luận bah Đảng rdâk njêng Đảng, Ngih dak n’hanh lam trong kan chính trị; hun hao  wăng sa, văn hóa, rêh jêng kon nuĭh; njrăng n’gang neh dak, rnă njrăng n’hanh tâm  boh dak bah dih; khoa học mât bôk kan tâm rơh mhe. Tổng Bí thư, Kruanh dak Tô Lâm dăn đă, ăp nuĭh kan mbơh nău lư râng nđơn trêng tay, an ƀư nkô̆ kơi năp nti mhâm ƀư an dŭt geh nău tam, rgâl nău nti jêng nău gĭt êng n’hanh nău kan jêng trong nkra nău mĭn khoa học têh jong, ân êng uănh khlay ntik n’hao nuih n’hâm nchrăp lor, blău ƀư mhe bah nuĭh nti, uănh khlay tâm dâl nău đah nuĭh nđơn trêng tay nău n’hanh nuĭh gŭ mĭn, tĭng ƀư jăp trong rƀŏng “nti hăn ndrel đah ƀư", lý luận nkre đah ngăn ngăn; way ôp ŭanh, groi nđôi rnôk kơt nti, tiăr nti nuih n’hâm uĕh lŏng, trong gŭ rêh bah nuĭh nti nhih nti Đảng; nta ăp trong dơh gay ăp nuĭh kơt nti ƀư lôch jêh uĕh nău kơt nti./.