Năm kan 2022-2026, ăp gưl bộ đoàn lĕ ntrôl dăng rgâl mhe trong kan nkoch trêng, ntĭm nti, nchrăp lor rgâl mrô, hun hao ăp trong ntĭm nti ta ntŭk ntô mạng. Lam Đoàn rgŏ jă rlău 6,5 rkeh nuĭh đoàn viên n’hanh bơi 49 rkeh druh ndăm râng ăp nău ƀư kơl kan.

Ntoh lư ăp săk rnglăy dơi geh, Tổng Bí thư, Kruanh dak ntơm tâm ban ŭch đah trong rƀŏng, nău ŭch n’hanh ăp nău kan năm kan mhe, nkre lah rjăp đă ƀư jru tay trong kan ntĭm nti nău mĭn cách mạng, mât nuih n’hâm rŏng dak, janh dăng chính trị, nău mĭn, nău rêh n’hanh mpŏng ŭch nsơr soan an druh ndăm. Đoàn an uănh mĭn lơn tât trong kan ntĭm nău kan, nău rêh văn hóa n’hanh mât uănh druh ndăm ta ăp nkual, rmôt nuĭh hôm e âk jêr jŏt.