Ta rơh wơt, Tổng Bí thư, Kruanh dak Tô Lâm nkoch, đah nău ŭch hun hao tâm rơh mhe, lôch Đại hội XIV bah Đảng Cộng sản Việt Nam hŏ n’gluh an dŏng âk Nghị quyết khlay n’hanh ŭch rŏng Đảng Cộng sản Liên bang Nga n’hanh ăp đảng tơm êng ƀa ƀă bah Nga mbra n’grŏ tĭng âk, kan nsum lhăt đah Đảng Cộng sản Việt Nam gay n’hao tâm boh bar Đảng, bar Ngih dak hao prêh mhe, nar lơn ma ngăn ngăn, nsĭt geh nău dơi tam. Tổng Bí thư, Kruanh dak Tô Lâm nsing nơm tâm boh bar Đảng mbra rgop uĕh tay tâm nău hun hao dăng bah bar dak n’hanh nău rdâk nâp tay trong leo kan cộng sản n’hanh công nhân dak bah dih, nkre rgop khlay tâm đăp mpăn, bah tâm lơh tâm su, hun hao jŏ jong bah nkual n’hanh lam ntŭr neh.