Kêng măng nar 12/3, tâm rnôk hăn khâl ngăn Singapore, Tổng Bí thư Tô Lâm hŏ ôp srĭng nău Tổng thống Singapore Tharman Shamugaratnam. Ta rnôk ôp srĭng nău, Tổng thống Singapore lah rjăp hăn khâl ngăn bah Tổng Bí thư tât Singapore lah nău kan geh nkô̆ khlay mha êng, đah nău n’hao tâm boh têh jong lam lĕ rngôch, kơl pơk luh du plơp mhe tâm boh bar ding tâm rnôk geh nkô̆ dŭt khlay bah bar dak, njêng luh tơm nđơr mhe an ƀon lan n’hanh doanh nghiệp bar dak.

Nkah tay mpeh nău hun hao ngăch bah Việt Nam, Tổng thống Singapore mpơl nău nsing nơm Việt Nam mbra lah ngoăy tâm  ăp jâng wăng sa hun hao dŭt ngăch ta nkual, đah rnoh ngăch hun hao GDP nkah uĕh, ntŭk ntuh kơl uĕh n’hanh ntŭk gŭ kan dak bah dih têh khlay mô rlu dơi n’hao têh. Tổng Bí thư tâm ban ŭch đah nău rgop bah Tổng thống Singapore mpeh nău bar dak n’hao dăng tâm rnglăp, tâm boh nsum n’hanh đah ăp dak ASEAN gay n’hao nău dơi kan, nău nsrôih ndôr êng, ƀư tơm rdâng lơh đah ăp ntul rlong bah dih.