Kêng măng 12/3, Tổng Bí thư Tô Lâm hŏ tâm nchră ma Kruanh Quốc hội Singapore Seah Kian Peng. Tâm nar tâm nchră, Tổng Bí thư Tô Lâm lah rjăp, Việt Nam mro uănh khlay ndrel ŭch leo nau tâm boh kan nsum ăp ntil đah bar dak hun hao jru, ăp ntil, tâm di ma nau tâm boh mhe ndâk. Tổng Bí thư kŏ rhơn Singapore mpeh ăp nau tă geh dơi ăp ntil, lah ntrong leo ân ăp dak Đông Nam Á kơt tĭng. Bar rđau kan tâm ban nau rnê, Việt Nam ndrel Singapore tâm pă mbơh âk nau tâm kơt mpeh nau geh, nau ơm ndrel nau rƀĭng hun hao ndrel nau kan nsum mpeh nau kan tâm nkuăl ndrel lam ntur neh.

Bar ding tâm ban mpeh ăp nau tă geh dơi tâm nau tâm boh bar ding yơn rơh rlau aơ tâm ăp nau kan, tă bah chính trị, tâm nchră nau tât nau tâm boh neh dak, rnă njrăng, tăch rgâl, ntuh kơl, khoa học-công nghệ, ntĭm nti, pâl n’aih ndrel tâm n’ur ƀon lan, pơk hvi tât ăp nau kan mhe, âk nau dơi kơt văng sa mrô, ntrơn rgâl ndri, ntrơn rgâl ŭnh nar ndrel rgâl blau mhe./.