Kêng măng ntri 23/4, ta Nhih pah kan Trung ương Đảng, Tổng Bí thư Tô Lâm hŏ wơt wa Daniel Rosen, Giám đốc mât bôk kan Tập đoàn Rosen Partners, Hoa Kỳ. Ta rơh wơt, Tổng Bí thư Tô Lâm lah rjăp Việt Nam uănh khlay hun hao tâm boh đah Hoa Kỳ, ŭch rŏng tâm boh bar ding lăp tâng jru tay, nsĭt geh nău dơi n’hanh đăp mpăn ta ăp trong kan, lơn lah mpeh wăng sa, tăch rgâl n’hanh ntuh kơl, yor ma nău geh nsum bah ƀon lan n’hanh doanh nghiệp bar dak.

Wa Daniel Rosen ton mbra ntrŭt ntrôl tâm boh mpeh khoa học công nghệ, trí tuệ nhân tạo, buăt nthoi đah ăp nuĭh khoa học Việt Nam đah ăp nuĭh khoa học Hoa Kỳ n’hanh ăp dak, rdâk njêng ăp trong tâm boh na nê̆ kơt mpeh khoa học công nghệ, trí tuệ nhân tạo, mât bôk kan ngăch blău. Wa Daniel Rosen lah rjăp ton mbra nsrôih an ƀư ăp trong nchrăp kan ntuh kơl ta Việt Nam, rgop tâm nău hun hao bah Việt Nam n’hanh tâm boh Việt Nam - Hoa Kỳ.