VOV.M'nông: Kêng măng lơ 4/6, Đảng bộ, n’gâng kan n’hanh ƀon lan ăp mpôl rnoi n’gor Đăk Lăk ntoh n’gôr ƀư rơh njor khĭt, răk nău rêh nău kan n’hanh tâp 27 nting tahen n’hanh nuĭh way kan bâh Việt Nam khĭt ta Campuchia geh Đội K51 rgum joi tâm khay wai năm 2025-2026.

VOV.M'nông: Nar naơ 4/6, ta ntŭk kan Chính phủ, Groi Thủ tướng Hồ Quốc Dũng leo rơh rƀŭn nchră tal ngoăy bâh rmôt pah kan bâh Chính phủ mpeh hun hao công nghệ kan tơm n’hanh mbơh ƀư nău kan hun hao công nghệ kan tơm khlăy tĭng Nău ntrŭnh bâh Thủ tướng Chính phủ mpeh pă nău kan hun hao công nghệ kan tơm khlăy.

VOV.M'nông:Kêng măng lơ 4/6, Tổng Bí thư, Kruanh dak Tô Lâm leo rơh pah kan đah rnâng kan kơl kan, trong kan tơm Trung ương n’hanh ăp ntŭk kan geh tât mpeh bôk nău rgâl mhe nău kan hun hao neh dak knơm ta khoa học công nghệ, rgâl mhe mĭn kan n’hanh rgala mhe rnoh mbrô.

VOV.M'nông: Ôi lơ 4/6, ta ntŭk rƀŭn nchră ngih dak Hà Nội, Đại hội 14 Công đoàn Việt Nam năm kan 2026-2031 ƀư rơh rƀŭn nchră na nê̆ đah nău tât râng bâh Tổng Bí thư, kruanh dak Tô Lâm ndrel đah âk đồng chí leo kan, tă leo kan Đảng, ngih dak.

VOV.M'nông - Kêng măng 3/6, Tổng Bí thư, Kruanh dak Tô Lâm ƀư tơm rơh pah kan đah Ban Tổ chức Trung ương mpeh rgum tơm pah kan leo ƀư rdâk njêng Đảng tĭng nuih n’hâm Nghị quyết Đại hội XIV bah Đảng.

VOV.M'nông - Lvang năm 2025–2027, n’gor Lâm Đồng an rdâk njêng 5 nhih nti nội trú rep gưl ta ăp xã n’har bri Đắk Wil, Thuận An, Thuận Hạnh, Tuy Đức n’hanh Quảng Trực tĭng trong nchrăp bah Bộ Chính trị. Tâm nê, bar nhih nti ntơm rdâk ƀư kêng dŭt năm 2025, tĭng trong nchrăp lôch jêh khay 8 năm aơ gay n’glăp dŏng. Bah năp mpet jâk rnoh ngăch ƀư, nuĭh tơm ntuh kơl, nuĭh ƀư ndranh ndrel ăp n’gâng kan dơi kan n’hanh n’gâng kan ta ntŭk “ndăn ngăch”, ƀư nar măng gay lôch tât di nar ton.

VOV.M’nông - Lơ 2/6, ta Ngih Chính phủ, Groi Thủ tướng rnâng kan Phạm Gia Túc, Kruanh Ủy ban ngih dak APEC 2027 kruanh rơh rƀŭn rơh tal 3 bah Ủy ban, boăt trực tuyến tât ntŭk ƀoh UBND n’gor An Giang.

VOV.M’nông - Lơ 2/6, Quân đoàn 34 (N’gâng kan mât njrăng bri dak) lĕ jêh hăn uănh gay rgŏ jă 150 cán bộ, tahen râng ntop kơl ngor Gia Lai ntrôl ngăch ndâk ƀư ăp ngih samƀŭt phổ thông dân tộc nội trú 2 gưl ta 2 xă n’har bri Ia O n’hanh Ia Chía.

VOV.M’nông - Kêng măng lơ (2/6), ta ngih Trung ương Đảng, Tổng Bí thư, Kruanh dak Tô Lâm, Kruanh Ban Ntĭm rđău ƀư tơm rơh rƀŭn Ban ntĭm rđău Trung ương mpeh ƀư n’gul gâl 1 năm pơk dŏng ntrong ƀư rgum lĕ rngôch bah trong chính trị n’hanh ntrong ƀư n’gâng kan ƀon lan 3 gưl.

VOV.M’nông - Bâh năm 2026, nuĭh ƀon lan ta lam dak geh uănh năl săk soan ăp khay mô lah uănh năl nău ji mô sŏk prăk du năm du đê̆. Aơ lah nău ntrŭnh bâh Đảng n’hanh ngih dak tĭng Nghị quyết mbrô 72 bâh n’gâng kan chính trị gay ma mât, mât ueh săk soan n’hanh n’hao nău dơi an ƀon lan.