Ta xã Bảo Lâm 2, dak bah dâng ăp dak me hoch sĭt ngăch, ƀư dak băm ntơm bah 80cm tât 1.2 mét ta âk nkual ƀon lan gŭ. N'gâng kan ta ntŭk lĕ rgŏ jă mpôl tahen, công an, druh ndăm ntop kơl nuĭh ƀon lan n'hao prêh, ntrơn drăp ndơ n'hanh ntrơn rlău 40 rnăk tât ntŭk đăp mpăn. Ăp hội trường thôn dơi nchrăp ƀư ntŭk gŭ nde. Ta Đà Lạt, mih têh jŏ jong ƀư dak băm ntŭk âk trong hăn. Ta phường Cam Ly - Đà Lạt, dak diăng Tô Ngọc Vân lăp tâm trong, geh ntŭk dak băm bơi tât 1 mét, ƀư âk ndeh ô tô khĭt ndal. Du đê̆ ntŭk êng ta phường Lâm Viên - Đà Lạt n'hanh phường Xuân Hương - Đà Lạt geh dak băm đŏng. Jêh rnôk mih hŭch, dak ta âk ntŭk rhuăt ngăch, mpôl kan dơi kan n'hanh nuĭh ƀon lan rgum jŭt n'hong dak, nkra bah khuch khat.