Ôi 5/10, ta Hà Nội, ntơm pơk rgum Tâm nchră tâl puăn Ban Chấp hành Trung ương Đảng khóa XIV. Lah ta rnôk ntơm pơk Tâm nchră, Tổng Bí thư, Kruanh dak Tô Lâm dăn đă Trung ương rgum tâm rkhăch, an nău rgop mpeh ăp nkô̆ nău khlay, geh trong têh jong đah hun hao bah neh dak tâm rơh mhe.

Tâm nchră ƀư tâm rnôk nô nău lam ntŭr neh geh tay âk rgoh n’gơ, tâm rlong têh jong, tâm rdôl lơh, tâm rkeh tăch rgâl n’hanh ăp nău rgâl ngăch mpeh khoa học, công nghệ n’gluh âk nău dăn đă mhe đah Việt Nam. Tổng Bí thư, Kruanh dak Tô Lâm dăn đă Trung ương rgum tâm 4 rmôt nkô̆ nău têh, lah n’hao nău dơi rđău đă, mât bôk kan n’hanh suăn rlăch ndăng bah Đảng; rgâl mhe trong rđău kan, n’hao nău dơi tam, nsĭt geh bah lam trong kan chính trị; rdâk njêng rmôt cán bộ, hun hao n’hanh sơch dŏng nuĭh gĭt blău; nkre ntrŏng di trong ăp ntil ndơ an ƀư lor, rgum n’hanh dŏng geh nău tam ăp tơm ndơ an hun hao ngăch, jŏ jong. Tổng Bí thư, Kruanh dak đă ăp n’glêh an ân dăch ngăn ngăn, droh rklaih ăp kô̆ yơn, ntrŏng kloh nău dơn kan n’hanh leo ƀư lĕ n’hâm suan, nsĭt geh nău dơi, tŏng an nău ŭch geh hun hao neh dak tâm rơh hun hao mhe.