Ta năp nău jêr tâm 12 khay dŭt têh, đă lĕ trong nsrôih rgâl ngăch tâm lvang “dak rhoăt”, Thủ tướng nkoch kloh, gay dơi geh nău rƀŏng hao jêng 2 rnoh mrô, GDP 12 khay an hao rlău 12,5%, đă ăp n’gâng kan, nău kan, ƀon lan nsrôih ta rnoh âk ngăn.

Thủ tướng đă uănh na nê̆ rnoh rmeh, ntrôl hao jêng hôm ƀa ƀă; dôh rkliah jêh ăp ntŭk kol, jêh trong ƀư, pháp luật n’hanh mkra lôch ăp nău nchrăp ƀư nkân gay rgŏ jă prăk an hun hao. Ndrel đah, an rgum soan pă an prăk 100% trong nchrăp ntuh kơl nsum năm 2026, ndơ̆ ăp ndơ ƀư khlay tât di rnoh ngăch. Ăp ntŭk geh têh hvi wăng sa têh an nsrôih âk lơn, ƀư ngăch dăng ăp n’hâm soan bah nkra njêng, ntuh kơl, dŏng ndơ, tăch n’gluh n’hanh ntuh kơl nsum. Thủ tướng đă nchrăp lor trong njrăng rdâng rgâl hao rnoh khlay, uănh nđôi rjăp rnoh khlay pring xăng, điện n’hanh ndơ dŏng khlay.