VOV4.M'NÔNG- Ntlơi jay truh sat, nkưp nde mô dơn lah du trong kơl an đăp mpăn lam rêh jêng kon nuĭh bah Đảng n’hanh Ngih dak, ma hôm lah nău mpŏng mpeh du nău rêh đăp mpăn, hơm răm an ăp rnăk jêr jŏt mpeh jay gŭ. Dơi geh nău mât uănh bah Chính phủ, nău nsum ti bah ăp gưl, n’gâng kan n’hanh nău tâm rnglăp bah nsum mpôl ƀon lan, hang rbăn mblâm jay nâp djhư̆n mbrơi rgâl ăp jay ja nsuet nkêng, kơl ƀon đăp mpăn gŭ rêh, hun hao wăng sa. Nău ngơi lơn kêng dŭt pơh nar aơ geh moh "Nsum ti ntlơi jay truh sat, nkưp nde” mpơl nuih n’hâm tâm rnglăp, tâm yô̆ tâm kơl nsum bah ƀon lan ăp rnoi nuĭh ta Tây Nguyên.