Nău rmanh geh ta kêng măng 30/3, rnôk ndeh năch 45 nsưng gŭ (yor N/V/L 44 năm deh ƀĭt, gŭ n’gor Bình phước ƀĭt) rdêng 36 nuĭh hăn let Đà Lạt- nkuăl ƀon têh Hồ Chí Minh. Tâm rnôk ndeh dôl jŭr yôk Bảo Lộc, ta nkual neh nkuăl têh Đạ M’ri, nkuăl Đạ Huoai, n’gor Lâm Đồng ri broh jŭr brŏng jru 20m. Rnôk geh nu nău, Cảnh sát ntung trong Công an n’gor Lâm Đồng n’hanh ăp rmôt kan dơi kan lĕ ndăn tât ta ntŭk mbơh ƀư trong kan wơt kơl. Nău rmanh ƀư yuh N.T.N.T (26 năm deh, ta xă Đồng Xoài, n’gor Bình Phước) khĭt, 3 nuĭh êng rmanh mbăn dơi rmôt kan dơi kan ndơ̆ hăn săm ngăch, ăp nuĭh ƀa ƀă sôt rmanh đêt. Ta năp rnôk broh tâm brŏng, ndeh năch geh tâm tom ta bŭt ndeh rdêng rdêng ndơ hăn ndrel trong bah năp.