Ôi 2/4, ta Hà Nội, Học viện Chính trị Quốc gia Hồ Chí Minh ƀư rơh rgŏ jă trong leo ƀư, ntoh măt ndơ pơk dŏng “Nuĭh gĭt blău keh mbrô nti nuĭh mô hŏ gĭt blău” n’hanh tâm nchră rgâl mbrô. Lah ta rơh rgŏ jă, Giám đốc Học viện Chính trị quốc gia Hồ Chí Minh Nguyễn Xuân Thắng lah kloh, tâm bah ri aơ nơh, Đảng, Ngih dak he hŏ n’gluh an dŏng âk trong nchrăp, gung trong, trong kơl, pháp luật gay rdâk njêng jâng nsing mbrô, ntrŭt ntrôl rgâl mbrô lam lĕ rngôch.

Lơn lah Nghị quyết 57 bah Bộ Chính trị hŏ ntrŏng năL, hun hao khoa học, công nghệ, rgâl blău mhe n’hanh rgâl mbrô neh dak lah du trong đăt ndal khlay dâk bôk năp, suan ntrôl tơm gay hun hao ngăch mpôl kan têh blău mhe, n’hao neh dak hun hao đăt ndal, têh ndrŏng tâm rơh hun hao mhe. Giám đốc Học viện Chính trị quốc gia Hồ Chí Minh Nguyễn Xuân Thắng dăn đă, tâm let năp tay, lam Học viện n’hanh ăp nhih nti Chính trị lam dak ân tĭng ƀư đăt ndal mpeh khoa học công nghệ, rgâl blău njêng mhe n’hanh rgâl mbrô bah pah kan mât bôk kan, hăn nchih nkoch, tât ntĭm nti, kơi năp nău gĭt blău, gŭ mĭn khoa học lam lĕ rngôch, nkrum lam, đăt ndal, rgum tơm, găl di nău kan gay rgâl mbrô lah suan ntrôl an nău hun hao.