Ntoh ngơi ta rơh kahgĭt, Đại tướng Phan Văn Giang, Ủy viên Bộ Chính trị, Groi Bí thư Quân ủy Trung ương, kruanh n’gâng kan mât rnă njrăng  ngih dak lah na nê̆, lâm Đồng lah n’gor mpeh ba dâng Tây Nguyên, geh ntŭk kan dŭt khlăy mpeh văng sa, rêh jêng, mât rnă njrăng ngih dak, rnă njrăng đăp mpăn. ndơn kan an nuĭh leo kan Đảng, ngih dak, Đại tướng Phan Văn Giang rhơn ăp nău dơi geh têh kuăng ma Đảng bộ, n’gâng kan, tahen n’hanh ăp mpôl rnoi n’gor Lâm Đồng lĕ dơi geh tâm 50 năm ba năp. Đại tướng nkah đă, năp lor Lâm Đồng an geh nsrôih hun hao, ƀư mhe lĕ rngôch nău dơi njêng nău kan nâp dăng gay ma ta ntŭk joat nâp gay ma lăp ta rơh mhe. Nsrôih ueh rgâl mhe hành chính, hun hao khoa học công nghệ, rgâl mhe nău mĭn kan n’hanh rgâl mhe rnoh mbrô, rgâl mhe ntŭk ntuh kơl tăch rgâl, n’hao nău dơi tâm rlong. Mô rlu ndâk nsơm, mât kơl rdâk njêng nău tâm rnglăp lĕ mpôl rnoi, ƀư tĭng ueh ăp nău kơl kan, mât đăp mpăn rnă njrăng ntŭk rêh jêng, ngăn lah đah ăp nuĭh dơi kơl, nkual ƀon lan rnoi đê̆. Nsrôih ndơ̆ Lâm Đồng jêng n’gor hun hao ngăch n’hanh nâp nâl.