Kêng măng 3/4, Groi Kruanh Quốc hội Nguyễn Đức Hải n’hanh mpôl pah kan lĕ geh nar pah kan đah n’gor Lâm Đồng n’hanh Viện mĭn njêng hạt nhân mpeh nău ƀư tĭng Nghị quyết 57 bah Bộ Chính trị, Nghị quyết 193 bah Quốc hội mpeh rlong ƀư du đêt trong kơl, nău kơl êng an rgâl hun hao khoa học, công nghệ. Ntoh ngơi ta nar pah kan, Groi Kruanh Quốc hội Nguyễn Đức Hải đă n’gor Lâm Đồng an tĭng ăp nkô̆ nău ntĭm rđău bah Trung ương, đăp mpăn, lĕ rngôch, lam hvi, tâm ban ŭch, rĭng n’hanh geh nău ngăn tâm di đah nău geh êng bah n’gor.

Dêr kơt tĭng tay nghị quyết jêng tât trong nchrăp nsum nsum, mô geh tâm di. Nkre, an n’hao lĕ đah nău kan, ngăn lah lĕ nău kan bah nuĭh djôt bôk ntĭm rđău, ƀĭt joet mbơh ƀư, uănh nđôi nău ƀư tĭng nău kan, đăp mpăn kloh rah wah, săk rnglăy. Mô an nsĭt êng nău kơl, roh rui, mpŭng lir. Đah Viện mĭn njêng hạt nhân, Groi Kruanh Quốc hội Nguyễn Đức Hải đă uănh nđôi tay trong nchrăp, nchrŏng trong hun hao bah viện tâm ntil nău mĭn njêng hạt nhân an mbơh ƀư nău mĭn njêng, kơt dŏng rhŏ an hun hao neh dak tâm lvang mhe.