Pâl nđaih Dak Lak lĕ jao jêng âk n’ăp đah rnoh năch n’hanh geh prăk tâm 3 khay năm aơ. Tă bah nĕ jêng jâng nsan an n’gor ntrôl dăng tay ăp nău ƀư ntrŭt ngăch, mpla nsơ, rêng hvi lơn tay năub khlay văn hóa way ơm bah ăp rnoi nuĭh ta ntŭk.

Tâm 3 khay năm aơ, n’gor Dak Lak lĕ wơt 700 rbăn nuĭh năch, tâm nĕ geh rlău 16.500 năch dak bah dih. Dĭng lĕ geh bah pâl nđaih rlău 600 rmen prăk, hao âk tơ̆ nkôp rơh aơ năm bah năp. Nău khlay wăch rgum an năch ta ƀon lan rnôk bah năp lah Lễ hội Cà phê n’hanh ăp nău ƀư nkah gĭt 50 năm Buôn Ma Thuột lơh dơi, rklaih đăp mpăn n’gor Dak Lak. Ntop an lôch dơi, Dak Lak mbơh ƀư tay âk nău ƀư mpla nsơ pâl nđaih; mât ăp nău ƀư njroh mprơ văn hóa chĭng gong tĭng rơh 2 tơ̆ du khay, ndâk ƀư ăp ndơ tâm rlong têh tâm nkual n’hanh lam dak, nsrôih ƀư mhe ăp ndơ pâl nđaih.