
Lơ 8/4, Ntŭk mât prăp trong hăn Hồ Chí Minh ntơm ƀư mpla nsơ “50 năm vang mãi bản hùng ca”, mpla nsơ bơi 500 rup, ndơ ơm khlay kăl e.
Mpla nsơ nkoch tât ƀon lan 4 gưl nkô̆ nău khlay mpeh trong hăn Hồ Chí Minh ơl kăl e, n’hanh plơ̆ tay rup, sam ƀŭt mpeh Kruanh Hồ Chí Minh đah nău kan rklaih đăp mpăn miền Nam, kơp dơn neh dak, ndrel ăp nău geh ntoh lư bah Nkual ƀon têh Hồ Chí Minh âk năm bah năp.

Mpla nsơ ƀư bah lơ 8/4 tât lĕ lơ 20/5, lah ngoăy tâm âk nău ƀư khlay nkah gĭt 50 năm Nar rklaih đăp mpăn miền Nam, kơp dơn ngoăy neh dak (30/4/1975-30/4/2025), rgop ntĭm nti way ơm cách mạng, nuih n’hâm rŏng dak an cán bộ, tahen n’hanh nuĭh ƀon lan, lơn lah rơh druh ndăm, rgop soan ndâk njêng neh dak uĕh lăng n’hanh đăp mpăn nâp nâl Neh dak. Tâm nar ƀư mpla nsơ, âk nău ƀư ngăn dơi ƀư, kơt hăn trong mŭr, ka choh kơ rklaih đăp mpăn, ndơ sông sa bah du kích rnôk tâm lơh tâm su.
Viết bình luận