Tỉnh ủy Dak Lak mhe ƀư Tâm nchră Ban Chấp hành Đảng bộ n’gor Dak Lak tâl 31 đah âk nkô̆ khlay. Tâm nê, nkô̆ nău tĭng ƀư Nghị quyết mbrô 18-NQ/TW bah Ban Chấp hành Trung ương mpeh “Du đêt nkô̆ nău mpeh rgâl mhe tay, dăp rgum nuĭh kan bah lam trong kan chính trị glêh tam yach ngăch, nsĭt nău dơi ngăn" dơn geh nău uănh khlay mha êng.

Bah meng ăp nău dơi hŏ geh tâm trong tĭng ƀư Nghị quyết 18, ăp đại biểu nkoch ăp jêr jŏt, kŏ kol tâm rnôk tĭng ƀư đŏng. Du đêt nău rgop an lah, nău dăp rgum nuĭh kan hŏ khuch tât nău ŭch rŏng bah cán bộ, đảng viên, công chức, viên chức. Nkre, njêng luh nău mbrơi nkai tâm pah kan, khuch tât nău tĭng ƀư nău dơn kan bah ăp nhih pah kan, đơn vị. Bí thư Tỉnh ủy Dak Lak Nguyễn Đình Trung lah rjăp, lôch ntlơi gưl nkuâl, gưl xã mbra mbăk anh âk nău dơn kan lơn, pah kan dăp rgum cán bộ ân đăp mpăn, yach ngăch, nsĭt geh nău dơi tam.