Ta rơh vơt, Thủ tướng Phạm Minh Chính lah na nê̆ Việt Nam way geh ryơk nău tâm boh tâm rnglăp ueh way ơm n’hanh tâm kơl âk ding đah Belarus, nkre lah mpơl nău ŭch ueh ta năp ăp nău hun hao ueh mhe ta nău tâm boh kan Việt Nam - Belarus tâm ba năp nơh, ngăn lah mpeh nău chính trị - nchră nău đah dak bah dih. Gay ma geh sŏk dŏng săk rnglăy nău dơi n’hanh nău geh đah bar dak, Thủ tướng Phạm Minh Chính đă bar ding an geh n’hao tay nău tâm mbơh pah kan, ngăn lah gâl têh, tâm kơl ta ăp rơh tâm mâp âk ding, đă bar ding an geh nsrôih ntrôl nău tâm boh kan wăng sa- tăch rgâl bar ding aƀaơ hôm nha mô âk đah nău dơi n’hanh nău ơm geh, nta nău dơh nơih gay ma doanh nghiệp bar ding n'hao nău tâm kơl ntuh kơl, mât săk rnglăy nău kan Ủy ban bar chính phủ n’hanh rdâk njêng nău nchrăp pah kan na nê̆ đah trong kan an tâm di n’hanh săk rnglăy lơn.