Ôi lơ 4/4, ta ntŭk kan bah dak Lào gŭ kan tâm nkuăl ƀon têh Hồ Chí Minh, Groi Bí thư Rnâng kan Thành uỷ Nkuăl ƀon têh Hồ Chí Minh Nguyễn Thanh Nghị leo bôk rmôt kan ntoh măt tât chang đồng chí Khamtay Siphandone. Tâm săm ƀŭt nchih nkah, wa Nguyễn Thanh Nghị ntoh nau rngot klâng ngăn bah năp nau roh bah du hê nŭih đồng chí tâm dăch dơh, nŭih băl têh bah ƀon lan Việt Nam lah nsum ndrel nkuăl ƀon têh Hồ Chí Minh lah êng. Đồng chí Khamtay Siphandone geh nau kan têh tâm nau bun dăp nau tâm boh kan nsum têh, tâm rnglăp khlay ndrel tâm boh ăp ntil đah Việt Nam-Lào.

Rđau kan nkuăl ƀon têh Hồ Chí Minh lah rjăp mra lŏ mât, hun hao nau tâm boh tâm dăch kơt oh nô di rnăk đah nkuăl ƀon têh Hồ Chí Minh ndrel ăp nkuăl bah Lào, rgop nau ƀư ueh nau tâm boh Việt-Lào mro ueh, nâp. Ntoh măt Thành uỷ, HĐND, UBND, Uỷ ban MTTQ Việt Nam nkuăl ƀon têh Hồ Chí Minh ndrel ƀon lan nkuăl ƀon têh, wa Nguyễn Thanh Nghị njoăl nau pă rngot klâng ngăn đah Đảng, Ngih dak, ƀon lan Lào ndrel rnăk bah đồng chí Khamtay Siphandone, ŭch ơm rlet rlau nau roh hoach têh aơ./.