Nthoi tay rơh khâl na nê̆ Cộng hòa Armenia, ta Thủ đô Yerevan, Kruanh Quốc hội Trần Thanh Mẫn n’hanh Mpôl đại biểu gưl prêh Việt Nam lĕ nsong uănh Nklang ntŭk Công nghệ mĭn ƀư mhe TUMO-Du ntŭk ntĭm nti an dơm kơl druh ndăm rchong nti êng n’hanh n’hao gĭt blău.

Jêh rnôk nsong uănh ăp ntŭk mĭn ƀư mhe n’hanh nti êng bah druh ndăm rchong ta aơ, Kruanh Quốc hội Trần Thanh Mẫn uănh lah prêh ntrong ƀư Nklang ntŭk Công nghệ mĭn ƀư mhe TUMO bah Armenia; đă roi Thủ tướng Chính phủ Trần Hồng Hà ntĭm rđău mĭn njêng rƀŏng tât ndâk njêng ăp ntŭk công nghệ mĭn ƀư mhe tâm ban kơt ntrong ƀư TUMO bah băl, geh tay ntŭk ntô ntĭm nti kơl druh ndăm Việt Nam nti êng n’hanh n’hao gĭt blău, ngăn lah ăp nău nti, nău blău mpeh khoa học-công nghệ, rgâl mĭn ƀư mhe, bôk rngok nkra njêng n’hanh rgâl mrô. Aơ lah ngoăy tâm âk ndơ khlay gay ntĭm nti nuĭh kan mrô tâm rach năm mhe, rach năm hao êng nơm bah rnoi nuĭh.