Ndơn kan Đảng, ngih dak n’hanh ƀon lan Việt Nam, Tổng Bí thư Tô Lâm mpơl nău rngot klâng ta năp nău tăch n’hâm bâh đồng chí Khamtay Siphandone n’hanh njoăl nău rhơn tât ăp đồng chí leo kan gâl têh Lào, lĕ rngôch ƀon lan Lào n’hanh rnăk vâl đồng chí Khamtay Siphandone nău rngot klâng dŭt n’hâm. Tổng Bí thư Tô Lâm lah na nê̆, Đồng chí Khamtay Siphandone mô dơn lah nuĭh leo kan dŭt blău bâh rơh bôk năp rdâk njêng cách mạng Lào, nuĭh leo kan cách mạng mpôl rnoi ƀư tơm ntơm nơh n’hanh nău kan mât n’hanh hun hao neh dak, nuĭh leo kan hăn lor tâm nău mbơh tơih trong kan rgâl mhe lĕ rngôch bâh Đảng ƀon lan cách mạng Lào ma hôm nha lah nuĭh băl dŭt jăp, trong hăn tâm rdâng mât ueh neh dak n’hanh rdâk njêng neh dak bâh 2 mpôl rnoi. Đồng chí khĭt lah du nău roh jot dŭt têh đah Đảng, ngih dak n’hanh ƀon lan 2 dak Lào n’hanh Việt Nam. Gay ma lah ueh nău tâm rgop bâh đồng chí Khamtay Siphandone an nău hun hao tâm boh dăch bên, nâp ueh Việt Nam- Lào, Đảng, Ngih dak Việt Nam ntrŭnh ƀư ver khĭt tâm 2 nar bâh lơ 4 tât lơ 5/4/2025.