Ôi lơ 2/4, wa Nguyễn Hoà Bình, Groi Thủ tướng Chính phủ ndrel rmôt hăn kan hŏ mêt uănh nau kan ƀư du đê̆ nau kan tâm n’gor Quảng Ninh. Groi Thủ tướng Chính phủ Nguyễn Hoà Bình hŏ hăn mêt uănh tâm nchră nchrăp geh ntuh kơl trong mât ƀư rjăp, nkra ndeh mpăr tâm mpông trong mpăr lam ntur neh Vân Đồng, nkuăl Vân Đồn, n’gor Quảng Ninh. Groi Thủ tướng đă ăp N’gâng kan, UBND n’gor Quảng Ninh tâm rgop rjăp ma ăp tơm ntuh kơl gay đăp mpăn nau ngăch ndâk nau kan, bah nê rgum ăp tơm ntuh kơl tă bah dak ba dih râng tâm nau mât, nkra trong mpar tâm mpông trong tach ndeh mpăr Vân Đồn.

Jêh nê, rmôt kan hŏ hăn mêt uănh du đê̆ nau kan êng tâm nkuăl, kơt Bôk nau kan ndâk nkra ntŭk rgum pâl n’aih, rlu rlau, ntŭk pâl (geh ntŭk casino, ngih ndeh, khách sạn, ngih prêh drăp, ntŭk rgum rlu n’aih) tâm xã Vạn Yên, nkuăl Vân Đồn yor rmôt kan Sun Gruop ƀư tơm ntuh kơl. Jêh geh djăt nau mbơh kol kŏ kơt lah nau đă tă bah tơm ntuh kơl ndrel UBND n’gor Quảng Ninh, Groi Thủ tướng Nguyễn Hoà Bình jao ăp N’gâng kan, ntŭk kan rgum, mbơh, đă Chính phủ ơm geh nau doh rklaih tâm rnôk ơm ngăn./.