Ôi 2/4 ta Hà Nội, Tổng Bí thư Tô Lâm, Bí thư Quân uỷ Trung ương tât râng n’hanh ƀư tơm Tâm nchră Quân uỷ Trung ương tâl 13 mĭn uănh, an nău rgop tâm Đề án mpeh leo ƀư tahen n’gâng kan tâm dâng “glêh, tam, dăng” tŏng đah nău ŭch geh dơn kan tâm nô nău mhe. N’glôch jêh tâm nchră, Tổng Bí thư Tô Lâm năl lah, Đề án mpeh leo ƀư tahen n’gâng kan ta ntŭk “glêh, tam, dăng” tŏng đah nău ŭch geh nău dơn kan tâm nô nău mhe, tâm di đah ăp trong nchrăp kan mpeh tahen, njrăng n’gang neh dak n’hanh gung trong tahen njrăng n’gang neh dak.

Lơn lah, hŏ đăp mpăn nău way Đảng rđău đă mât bôk kan Tahen ƀon lan Việt Nam mpeh ăp ntil ma nău way rđău đă lah Bộ Chính trị, Ban Bí thư; nđơn tay nău mĭn n’hanh leo ƀư Mpôl tahen ƀon lan Việt Nam hŏ dơi năl tâm ăp nghị quyết, n’glôch jêh bah Đảng; đăp mpăn tahen lah mpôl kan n’gâng tơm mât njrăng nâp neh dak Việt Nam XHCN. Nsing ta nău dơi geh tĭng ƀư ăp nghị quyết, n’glôch jêh bah Bộ Chính trị, Tổng Bí thư dăn đă, dăp rgum tay ăp mpôl kan tahen n’gâng kan ta ntŭk, tahen n’har bri tĭng trong nchrăp bah Đảng, Ngih dak; đăp mpăn “glêh- tam- dăng” geh nău dơi, hŭch bah bôk ndranh klang n’gul, lah n’gâng tơm ngăn tâm rdâk njêng n’hanh tĭng ƀư gung trong lam ƀon lan njrăng n’gang neh dak, tâm lơh lam ƀon lan n’hanh mât njrăng nâp ƀư tơm rnă njrăng n’har bri neh dak.