Kêng măng ntri (02/04), ta Nhih pah kan Chính phủ, Thủ tướng Phạm Minh Chính ƀư tơm Rơh hop tâl 2 Ban Rđău đă rdâk njêng đề án hun hao wăng sa bah dih ngih dak. Ta rơh hop, ăp nuĭh kan tâm Ban Rđău đă rgop tâm ăp trong nkra tơm khlay gay hun hao wăng sa bah dih ngih dak.

Tâm nê, dăn đă rgum rgâl dơh glêh, wat jêh, n’hao săk tam trong tĭng, đăp mpăn nău dơi dah rŏng tăch rgâl, tâm rlong tâm ban nău dơi dăp ndơ, nău dơi dŏng ndơ bah wăng sa bah dih ngih dak. Lah ta rơh  hop, Thủ tướng Phạm Minh Chính lah rjăp. Nô nău neh dak aƀaơ ân geh âk nău dơn kan đăt ndal, ngăch ndal hun hao wăng sa bah neh dak. Tâm nê, wăng sa bah dih ngih dak lah mpôl kan n’gâng tơm njêng luh drăp ndơ, rgop khlay tâm trong hun hao wăng sa, nta joi nău kan, n’hao yach ngăch kan, ntrŭt ntrôl rgâl blău njêng mhe n’hanh n’hao nău dơi tâm rlong neh dak. Gay njêng luh đăt ndal, hun hao Thủ tướng Phạm Minh Chính dăn đă rgâl mhe nău mĭn, njêng nău dơn ngoăy mpeh nău gĭt êng, rdâk nău nsing nơm, njêng suan ntrôl mhe, nuih n’hâm nsan mhe gay hun hao wăng sa bah dih ngih dak.