Kêng măng ntri (2/4), nkual ƀon têh Đà Lạt, n’gor Lâm Đồng hŏ ƀư lễ mpư rnê ăp rnăk geh n’hâm suan đah cách mạng ntoh lư n’hanh mâp măt ăp kruanh rđău kan ơm, cán bộ, tahen nkhêp nkah ndray 50 năm Nar rklaih luh nkual ƀon têh Đà Lạt (3/4/1975 – 3/4/2025). Lah ta rơh lễ, wa Đặng Đức Hiệp, Bí thư Thành ủy Đà Lạt lah rjăp, tâm rơh mprơh Mỹ kơl neh dak, Đà Lạt – Tuyên Đức hŏ rôih rlăch ndăng, rgop khlay tâm n’gâng kan rklaih luh miền Nam, dơn ngoăy neh dak.

Tâm let năp tay, Đảng bộ, n’gâng kan n’hanh ƀon lan nkual ƀon têh ntik n’hao tay suan dăng tâm rnglăp, nsrôih rdâk njêng Đà Lạt jêng nkual ƀon têh ăp tŏng nău geh srăch uĕh, nkual ƀon têh drăp ndơ ntlơi an tay lam ntŭr neh, mât joi n’hanh dŏng geh nău tam  ăp tơm ndơ, n’hao Đà Lạt hun hao nâp dăng. Nkhêp geh rnôk dja, UBND n’gor Lâm Đồng ntăm an Kỷ niệm chương “Yor n’gâng kan rdâk njêng n’hanh hun hao n’gor Lâm Đồng” an 50 nuĭh cán bộ, kruanh rđău kan ơm n’gor, nkual ƀon têh rlău ăp rơh, ƀon lan n’hanh doanh nghiệp ta ntŭk rgop uĕh tâm nău hun hao bah nkual ƀon têh.