Kêng măng 02/4, ta Nhih pah kan Trung ương Đảng, Tổng Bí thư Tô Lâm wơt Đại sứ Liên bang Nga ta Việt Nam Gennady Bezdetko. Ta rơh wơt, Tổng Bí thư Tô Lâm lah rjăp Việt Nam way uănh Nga lah ngoăy tâm ăp dak băl tâm boh dâk bôk năp tâm ăp băl tâm boh an ƀư lor bôk năp tâm trong kan tâm boh dak bah dih. Việt Nam ŭch rŏng mât mbro tâm boh way ơm uĕh lăng, tŏng đah nău ŭch geh bah bar rnoi nuĭh, rgop mât bah tâm lơh tâm su, tâm boh n’hanh hun hao ta nkual n’hanh lam ntŭr neh.

Gay n’hao tay nău dơi tam tâm boh bar ding, lơn lah tâm năm 2025 nkhêp nkah ndray 75 năm njêng tâm boh dak bah dih, Tổng Bí thư Tô Lâm dăn đă bar ding n’hao âk tay mpôl tâm khâl nsum lơn lah ta gưl têh; tâm boh lhăt ta ăp tơ̆ rgum nchră âk ding, an ƀư geh nău tam Tâm ton dah rŏng tăch rgâl Việt Nam - Liên minh Kinh tế Á - Âu; ntrŏng ăp trong rƀŏng, trong nkra n’hanh trong nchrăp tâm boh mhe tâm ăp trong kan njrăng n’gang neh dak rnă njrăng, công nghệ mhe, ŭnh nar, điện hạt nhân, khoa học tơm, văn hóa - nghệ thuật hàn lâm.