Măng 30/1, n’gor Bình Định ƀư têh Ƀư nkah gĭt 50 năm Nar rklaih đăp mpăn. Kruanh Ban Tuyên giáo n’hanh Dân vận Trung ương Nguyễn Trọng Nghĩa tât râng n’hanh ntoh ngơi ta nar ƀư. Rak sam ƀŭt Ƀư nkah gĭt nkah tay nău way ơm ăp nar aơ bah 50 năm mpeh bah năp, tahen n’hanh ƀon lan n’gor Bình Định lĕ pơk rơh rdôl lơh rklaih đăp mpăn nkual têh Quy Nhơn n’hanh n’gor Bình Định tâm trong hăn yan wai năm 1975. Lơh dơi nar 31/3 rklaih đăp mpăn n’gor Bình Định lah rup ndah ang rang sang bah chủ nghĩa rŏng dak n’hanh nuih n’hâm têh, janh ktang đah nău mĭn roh săk têh khlay, nuih n’hâm cách mạng mô rlu bah tahen n’hanh ƀon lan he.

Bah kơi 50 năm rklaih đăp mpăn. Bình Định geh âk jâng wăng sa mô rlu pơk hvi, bah du n’gor ach o, tât aƀaơ lĕ hao dăp dâk tal 5/14 n’gor nkual Bắc Trung Bộ n’hanh duyên hải Trung Bộ n’hanh dăp tal 26/63 n’gor, nkual ƀon têh lam dak. Râng n’hanh ntoh ngơi ta nar ƀư, Kruanh Ban Tuyên giáo n’hanh Dân vận Trung ương Nguyễn Trọng Nghĩa uănh lah prêh n’gor Bình Định lĕ geh âk njuăt rgâl hao tâm nkra rgâl hành chính, wăch rgum ntuh kơl, hun hao công nghiệp, pâl nđaih, rhŏ nău, ntĭm nti nuĭh kan uĕh blău âk, hun hao khoa học công nghệ, wăng sa mrô.