Tĭng nău mbơh tơih, tâm ba năp nơh, n’gâng kan Công an lĕ rgŏ jă nuĭh long nuih n’hâm kơl an n’gor Kon Tum 84 rmen prăk gay ma ƀư mhe 1.400 ngih an rnăk ach o, rnăk dăch ach o đah ăp ngih geh rnoh khlăy 60 rkeh prăk. Mhe nơh, ndrel đah nău ndâk nsơm ƀư tâm ndrih 500 ngih jay, n’gâng kan Công an lĕ pă jao 2 ngih jay mhe geh ƀư lôch gay ma pơk hvi. Trung tướng Phạm Thế Tùng, Groi kruanh n’gâng kan Công an, lah na nê̆ tâm let năp tay Đảng ủy Công an trung ương, n’gâng kan công an mbra tâm rgop na nê̆ đah rnâng kan ăp n’gor Tây Nguyên geh rgŏ jă leo kan kơl an bâh ăp nuĭh long nuih n’hâm mbơh tơih răng dăng nău kan jut jăng ngih truh sat, ta Tây Nguyên. Ta rơh ntơm kan, ndơn kan an ăp nuĭh ntuh kơl lah du đê̆ doanh nghiệp n’hanh ngân hàng tăch rgâl, lĕ pă an nău ntit rnoh prăk kơl an n’gor Kon Tum jut jăng ngih truh sat.