VOV4.M'nông - 30 năm rdâk njêng n’hanh têh hao ta nkual neh Tây Nguyên, rlet le\ ăp nău jêr jo\t ntul rlong bâh nar bôk năp ntơm njêng, Binh đoàn 15 bâh n’gâng kan mât rnă njrăng ngih dak le\ nsrôih hun hao, [ư lôch nău kan hun hao wa\ng sa, rêh jêng, ndâk nsơm rnă njrăng ta nkual n’har bri bâh 2 n’gor Gia Lai n’hanh Kon Tum. Rlău 30 năm ba năp, đah nău hun hao bâh Binh đoàn lah nău hơm răm bâh [on lan ăp mpôl rnoi ta nkual n’har bri.

Nău mpơl saơ na nê| bâh Tahen wa Hồ ta nkual n’har bri bâh bar n’gor Gia Lai n’hanh Kon Tum lah mău nđir bâh tơm cao su. Bơi tât 30 năm ba năp, n’gâng kan mât rnă njrăng ngih dak geh nău ntru\nh hun hao tơm cao su ta nkual neh n’har bri mpeh nhâp nar bâh Ngih dak. Ăp nu^h tahen pah kan wa\ng sa bâh Binh đoàn 15 dơn nău kan n’hanh lư\ [ư lôch ueh nău geh đă kan lah hun hao wa\ng sa ndrel đah mât đăp mpăn rnă njrăng ngih dal. Du n’har bri jong rhiăng km na nao mât nâp ueh n’hanh [on lan a[aơ le\ hơm răm bâh tơm cao su, bâh nău kan Tahen wa Hồ. wa Rơ Mah Hin, rnoi Jrai, kruanh [on Chan, xã Ia Pnôn, nkuăl Đức Cơ an g^t, lôch bơi tât 30 năm ndrel đah tahen wa Hồ [ư rơh rgo\ jă tăm cao su, nău rêh bâh rlău 200 rnăk [on lan Chan le\ rgâl. Wa Rơ Mah Hin rhơn nkoch:

            “Rnôk mô ho\ geh [ư cao su [on lan du\t jêr jo\t ngăn. A[aơ [ư cao su le\ geh ngih jay gu\, geh ndeh máy hăn, hun hao wa\ng sa, pah kan to\ng sa. Điện, trong, ngih nti, ngih dak si a[aơ le\ geh le\ hôm, oh kon hăn nti da dê.

Gay ma an [on lan ta ntu\k n’har bri mbra dơi geh rgâl nău way pah kan bâh ntơm mu^h su, tuch tăm ăp tơm tăm, pah kan t^ng trong công nghiệp lah mô geh dơh. Nău kan rgo\ jă, mbơh tơih geh [ư [a [ n’hanh mbro. Đah nău rêh geh âk [on lan rnoi đê| gu\ rêh, ăp nu^h ntoh lư tâm ăp [on lan geh săch hăn nti n’hanh an lăp Đảng. lôch ne\, khân păng jêng ăp nu^h kan tơm gay ma rgo\ jă, mbơh tơih [on lan. Wa Kpuih Mực, nu^h [ư cao su, Đảng viên bôk năp ta [on Chan, xã Ia Pnôn, nkuăl Đức Cơ ngơi.

"Gâp du\t dêh bên đah nu^h kan, dêh dăch đah [on lan gay ma hun hao wa\ng sa, rdâk njêng [on xã, ntu\k kan hun hao.

Binh đoàn 15 a[aơ le\ geh tăm rlău 42 rbăn ha cao su, klâp ma 400 ha cà phê rgo\ trong n’har bri dăch đah Campuchia bâh 2 n’gor Gia Lai n’hanh Kon Tum. Bâh ne\, njêng geh 6 ntu\k [on lan gu\ rgo\ trong n’har bri, geh rlău 17 rbăn nu^h pah kan, tâm ne\ geh bơi tât 7 rbăn nu^h kan lah oh kon mpôl rnoi đê| ta ntu\k. Rgo\ n’har bri bâh mpeh nhâp nar ngih dak dôl geh ăp n’gâng ntăm mău nđir đah ăp tơm cao su, cà phê ueh jêng. Tâm breh đah ăp mir cao su lah ăp [on lan têh ndro\ng.

Dăn Thiếu tướng an g^t ăp nu nău geh ntoh lư bah Binh đoàn 15 tâm trong 30 năm ndâk njêng n’hanh hun hao ?

Thiếu tướng Đặng Anh Dũng: 30 năm bah năp, đah nău rđau kan bah Quân uỷ Trung ương, N’gâng kan mât njrăng bri dak ndrel đah nău nsrôih bah ăp rơh kơn cán bộ, tahen, nu\ih pah kan, tât a[aơ cán bộ nu\ih pah lan Binh đoàn 15 le\ geh rlău 42.000 ha ueh nđir t^ng njok n’har bri bah 2 n’gor Gia Lai n’hanh Kon Tum. Mhe aơ, Binh đoàn le\ ntuh kơl tăm cao su ta dak Lào, Campuchia n’hanh pơk hvi ntuh kơl an Quảng Bình. Đăp mpăn nău kan an rlău 17.000 nu\ih, đah prăk khay đăp mpăn bah 6,5-8 rkeh prăk du hê du khay.

Ăp nău geh săk rnglay ma Binh đoàn dơi geh mô ho\ kơt nău mpo\ng u\ch, yơn 30 năm rlău le\ rngôch ntu\k ma Binh đoàn gu\, nău rêh bah nu\ih pah kan, lơn lah [on lan rnoi mpôl đêt nkual n’har bri le\ dơi rgâl, n’hao prêh. Ntung trong le\ dơi ntuh kơl tâm ban le\ rngôch. Le\ rngôch ăp ntu\k geh trạm xá quân dân y tâm rgop da dê, geh nai dak si mât uănh săk soan an [on lan, tahen, nu\ih pah kan n’hanh nu\ih [on lan tâm nkual nău nchrăp [ư. Ăp ngih sam [u\t dơi ntuh kơl tâm di.

Ntu\k kan mât njrăng bri dak [ư sa, gu\ ta nkual ăp n’gor Tây Nguyên, dăn Thiếu tướng an g^t trong kan tâm rgop đah n’gâng kan [on lan tâm hun hao wa\ng sa-rêh jêng ntu\k Binh đoàn gu\ njưh jâng ?

Thiếu tướng Đặng Anh Dũng: Tâm rnôk [ư t^ng nău kan, Binh đoàn tâm rgop đah gưl uỷ, n’gâng kan, [on lan gay tâm rgop [ư t^ng nău kan bah nơm. Binh đoàn uănh nău kan hun hao wa\ng sa-rêh jêng bah [on lan lah nău kan chính trị bah nơm. Trong kan rgo\ jă [on lan le\ geh nău rgâl mhe, ntrong kan tâm rgop dăch dêh. Binh đoàn tâm rgop dăch dêh đah n’gor, nkuăl, Công ty tâm rgop dăch dêh đah nkuăl, xă; rmôt kan nkra njêng ri tâm rgop đah bu ranh [on. Lơn lah, mpôl hên hun hao ntrong kan phung pah kan nu\ih yuăn đah nu\ih [on lan rnoi đêt ta ntu\k. Ntrong kan aơ hun hao du\t ueh n’hanh săk rnglay. Mpôl hên saơ, lah dơi nu\ih [on lan, n’gâng kan kơl, tâm ban u\ch, Đảng bộ n’gâng kan ta ntu\k kơl ri mô geh nău mô dơi [ư, mô geh nău mô lôch jêh.

Tâm trong 30 năm bah Binh đoàn 15 djôt n’glơi âk nău geh [ư ueh ang bah ntu\k kan janh dăng tâm rơh rgâl mhe. Yơn lah, ân g^t saơ, tâm rnôk aơ, ngăn lah tâm rnôk rnoh rtăk cao su dôl ju\r hu\ch n’hanh nchroh mbơh mbra hôm e jo\ ri trong mkra bah ntu\k kan an nău aơ m’hâm gay dôh rklaih jêr jo\t, đăp mpăn n’hanh hun hao ntu\k kan ?

Thiếu tướng Đặng Anh Dũng: Lor năp, Binh đoàn an rgâl tay le\ rngôch bah rdâk [ư, n’gâng tơm tât nău kan n’hanh an uănh tay nơm. Gâp an lah, rnoh khlay cao su hu\ch jru lah nău ntul rlong yơn nkhêp di geh. Ngoay lah gay uănh tay nơm saơ n’gâng tơm rđau nău kan a[aơ mô ho\ tâm di nău u\ch. Tal 2, ân g^t chuêl nău lôch ueh, gay uănh tâm nău ngăn. Gay [ư rgâl tay ri Binh đoàn dôl rgum uănh nđôi tay n’gâng tơm ndơ nkret njêng, uănh m^n tay. Tal 2 lah an rgâl âk ntil tơm tăm, mô knu\ng êng tơm cao su, du\t jêr jo\t. Nău m^n ta aơ ntu\k cao su ranh, dơi tăch lơi, saơ tâm di ri tăm cà phê ntu\k ne\. Tal 2, lah dơh mbra tăm pih mât ndrôk. A[aơ dôl [ư 2 ntu\k rlong mât rong, mât t^ng trong công nghiệp, ta năp măt mât ndrôk poăch, bah kơi aơ geh ndơ ri pơk hvi. Rlău ma ne\, mbra rlong du đêt tơm, kơt tơm ê nkra dak si, du đêt ntu\k dơi tăm tiêu m’hâm [ư ta du ntu\k rnoh neh luh geh nău khlay âk. Trong rô\ng tay, a[aơ Binh đoàn geh du đêt rnoh neh cao su tât lvang tăch lơi, ranh ri mbra m^n njêng ndâk njêng ăp ntu\k nkra njêng si tăch n’gluh, do\ng ndơ si tơm cao su tăch lơi, do\ng ndơ nja ê nkra tay, tâm di nău u\ch ta ăp dak hun hao.

Nău khlay ngăn lah m’hâm [ư bah Tư lệnh Binh đoàn tât nu\ih pah kan an g^t wât Binh đoàn hun hao ri nău rêh mơ hao. Nău aơ ân tâm ban nuih n’hâm bah gưl uỷ, kruanh nt^m rđau Binh đoàn tât nu\ih pah kan. Têh lơn tay, ntrong kan aơ lôch ueh, Binh đoàn dơi hun hao, ri mbra geh n’hâm soan wa\ch rgum, tre\ lam tât nău rêh bah kon nu\ih tâm nkual. Lơn lah, m^n tay ntrong kan tâm rgop wa\ng sa đah tahen mât njrăng bri dak bah Binh đoàn.

Dăn lah ueh Thiếu tướng !

Nu\ih rblang: Y Sưng Phê Ja