Geh kơp dơn lah 1/15 ngih săm [u\t nti kan bah lam dak, ăp năm rlau aơ, Ngih săm [u\t Cao đẳng nghề druh ndăm rnoi đê| Tây Nguyên ho\ ndơn nau pă kan pah ân ân jêt rbăn kon se nti, sinh viên, druh ndăm ăp rnoi Tây Nguyên. Nau âk ntil mpeh nau nti, ndrel đah nti kan ta ngih săm [u\t ndrel đah pah kan ta tu\k êng ho\ kơl an sinh viên, kon se nti geh nau ngăch mơng đah nau nti\m nti nau kan jêh lôch nti, geh nau pah kan đăp mpăn.

Ntu\k nti Tin học ASIA geh ndâk ta blah “neh mah” ta trong Lê Duẩn, nkuăl [on têh Buôn Ma Thuột, n’gor Dak Lak, tâm ntru\p mpông đah ngih săm [u\t Đại học Tây Nguyên. Tâm rnôk dôl ti\ng nti âk n’hanh geh nau ntul rlong, Ntu\k nti Tin học Asia lah ngoai tâm rnoh mô âk ntu\k ho\ geh nâp nâl ntu\k gu\ kan, ăp rơh ko\ geh âk nu\ih lăp nti.

Giám đốc ngih nti lah Y’Nuc Rahlan (rnoi Jarai) n’hanh ăp nu\ih pah kan ta aơ ko\ tă lôch nti ngih săm [u\t Cao đẳng Nghề druh ndăm rnoi đê| Tây Nguyên.

Y Nuc Rahlan ân gi\t, ta Buôn Ma Thuột a[aơ, tin học hôm lah du nau kan hun hao, yơn ko\ lah du nau kan geh âk nau săch. Hun hao lah yor nau u\ch bah nau rêh mpeh nau kan tin học du\t prêh. Yơn ko\ mra geh nau jêr đo\ng lah nu\ih nti mô ti\ng nau kan ân geh nau blau ngăn, mô geh [a [ơ gi\t âk nau nau mhe n’hanh nau kan mhe, ri mra năch ngăn geh bu mô hôm ân kan. Y Nucc Rahlan ho\ geh nau dơi rnôi gi\t djăt ăp nau nti\m nti bah ăp nau nti\m ntơm rnôk mhe lăp nti tâm ngih săm [u\t nti kan, nê lah nti n’hanh ti\ng kơt gay ân rjăp, Y’Nuc ngơi: Tâm rnôk ti\ng nti ta ngih săm [u\t ri gâp geh ăp nai ntim nti mro nti\m  ân hên lah rnôk lôch hăn nti ri moh nau kan, r[o\ng ân du đê\ băl nri [ư nau kan tâm boh, jur hăn tât ăp nkuăl bu pah kan, ndâk njêng êng nau kan ân nơm, kơt lah nơm dâk ndâk pơk mpông  ntu\k [ư in ấn, pho tô. Ăp nau ta ngih săm [u\t nti lah ăp nau nti geh nau khlay gay pơk janag nsan gay nơm choat luh kan n’hanh kơt tâm nau kan bah nơm”.

Rlơ\ đah nau kan săch nau nti tin học bah bu ndăm rnoi Jarai Y’Nuc, lah bu ur druh H’Uy Niê, săch du nau kan tâm dăch đah lo\ mir, nê lah nkret grăp ca cao. Nti blau, gơih nau kan, H’Uy ngăch joi kan pah n’hanh geh prăk đăp mpăn ta Công ty  Ca cao Nam Trường Sơn, ta xã Ea Na, nkuăl Krông Ana, tâm dăch đah ngih. Nau ngăn lah, H’Uy n’hanh nu\ih mât nau kan Nguyễn Thị Nữ, 2 nu\ih blau kan tơm rđau nau ê nkra, tă lah kon se nti ta ngih săm [u\t Cao đẳng nghề druh ndăm rnoi đê| Tây Nguyên tâm năm 2013, geh Công ty Nam Trường Sơn săch lăp kan jêh rnôk hăn nti ta aơ : “Rnôk hăn nti bah hên ri nau kan ko\ geh nsum đah nau nti đah công ty lah nau ê nkra cà phê, ca cao. Phung hên geh mbơh jur ta aơ gay ma ti\ng nti, công ty ko\ tâm rngop nsum đah ngih săm [u\t gay pơk trong nơih ana kon se nti jêh aơ lôch ti\ng nti ri lăp ta aơ gay ma pah kan, gay kon se nti bu mơng đah nau kan, geh nau blau n’hanh nơih dăn kan”.

Ti\ng nau kơp mpeh nau săk geh nau nti\m nti bah Ngih săm [u\t Cao đẳng nghề druh ndăm rnoi đê| Tây Nguyên, geh nklăp 80% kon se nti, sinh viên geh kan pah jêh rnôk lôch nti kan, tâm nê geh rlau 7000 kon se nti, sinh viên hăn pah kan tâm ăp nkuăl công nghiệp bah dih n’gor kơt nkuăl [on têh Hồ Chí Minh, Bình Dương n’hanh geh bơi tât 120 nu\ih hăn kan ta dak ba dih  đah prăk khay âk.

Ti\ng wa Rahlan Von Ga, Hiệu trưởng ngih săm [u\t Cao đẳng druh ndăm rnoi đê| Tây Nguyên, gay kơl an kon se nti, sinh viên nơih tâm nau hăn nti n’hanh ji kan pah, ngih săm [u\t săch nau nti\m nti ăp nau kan kơt tâm nkuăl, kơt lah ê nkra cà phê, ca cao, nau nkan ndâk nkra ngih, nau ê nkra máy tính, nau ê nkra máy móc do\ng kan, mât rong tui ka, tăm tơm si, trah si…

Ngih săm [u\t hôm ndâk nau tâm rgop ueh lơn đah ăp ntu\k pah kan. Aơ lah ntu\k ti\ng nti nau kan ân nu\ih pah kan, gay kon se nti nơih lơn rnôi joi kan pah. Wa Rahlan Vôn Ga ân gi\t: Tâm ăp năm rlau aơ, phung hên geh du jrâu kan ntơ lah jrâu joi mbơh nau kan, ndơn nau kan tâm rgop kan đah ăp ntu\k bu pah kan gay kon se tât ti\ng nti n’hanh pă kan pah ân kon se jeh lôch luh nti. N’hanh phung hên ho\ ton đah bơi tât 100 ntu\k kan, ntu\k pah kan ba dih, n’ăp ma ngịh săm [u\t ndrel ngih săm [u\t tâm rgop nsum đah kon se nti, sinh viên n’hanh nai nti. Hôm nau kan pă kan pah ri ăp jrâu jêh lôch nti ri phung hên ko\ jă ăp ntu\k ho\ tă ký ton gay ôp nau kon se nti gay geh ndơn ăp kon se aơ lăp pah kan”.

Nti ta ngih săm [u\t, ti\ng kơt kan tâm ăp ngih pah kan ho\ kơt Ngih săm [u\t Cao đẳng nghề druh ndăm rnoi đê| Tây Nguyên n’hao rnoh kon se geh kan pah. Nau kan aơ dôl pơk njêng n’hâm rgum gay ngih săm [u\t jêng ntu\k tât nar lơn âk bah ăp druh ndăm rnoi đê| tâm ăp [on lan Tây Nguyên.

A[aơ, ndrel đah nau nti kan chính quy tâm hệ Cao đẳng, trung cấp n’hanh sơ cấp đah 2.500 tât 3000 kon se, sinh viên, đah 20 nau nti, tâm nê geh 5 nau nti geh nau dơi kơp dơn bah neh dak, 10 nau kan geh nau dơi kơp dơn tâm nkuăl Đông Nam Á-ASEAN n’hanh 2 nau nti kan geh nau dơi lam ntur neh, Ngih săm [u\t Cao đẳng nghề druh ndăm rnoi đê| Tây guyên hôm [ư nau kan: nti\m nti kơl an nau hăn kan dak ba idh, nti tâm rgop nau dơi đại học ân du đê| nau kan, nau mi\n khoa học, kơt nau pah kan mhe, [ư nau kan ê nkra, tăch rgâl.

Ngih săm [u\t Cao đẳng nghề druh ndăm rnoi đê| Tây Nguyên dôl r[o\ng tât du rnôk hun hao mhe, rnôk ntu\k kan KOICA  bah Hàn Quốc ntuh kơl 6 rkeh đô lar gay n’hao nau nti\m nti n’hanh ndơ do\ng nti. Đah nau ntuh kơl aơ, ngih săm [u\t nar lơn geh nau dơi  rgâl mhe nau nti kan, [ư dơi nau săch nti kan n’hanh pah kan bah druh ndăm ăp rnoi mpôl Tây Nguyên, ndâk njêng ngih săm [u\t jêng ntu\k nti\m nti kan ueh nâp bah nkuăl n’hanh lam dak./.

                                                               Nu\ih rblang: H’Thi