VOV4.M’nông: Ơi kônh wa n’hanh băl mpôl. Tâm xã jêr jo\t ngăn Đăk Roong, nkuăl ach o Kbang n’gor Gia Lai, gay kon se geh nau dơi hăn nti n’hanh gi\t play săm [u\t lah nau jêr. Yơn lah, đah nuih n’hâm uch ro\ng kon se, nsôih ndrel nau kan ueh, nai nti Ngih săm [u\t Dân tộc bán trú tiểu học Đăk Roong ho\ rklaih ăp nau jêr, ăp nhoat n’hao nau săk nâp bah nau nti\m n’hanh nti. Kon se nti nar lơn blau, hôm me mbơ ri du\t rhơn rnôk njoăl kon tât nti. Aơ lah nklâm ndơ khlay ngăn đah nai nti tâm xã nkuăl jru ngai aơ.

Ngih kon se nti jrâu 4 Đinh Khang, rnoi Bahnar, ngai đah ngih săm [u\t Phổ thông Dân tộc bán trú Tiểu học Đăk Roong tât 10km, trong hăn hôm bri kro\ng ơm, rlet yôk, hao sop, choat dak mư tât. Lah ăp nar hăn trong ngai kơt nê mro gay hăn nti ngăn lah oh mra rlu nti tă bah jo\. Lap lah ngih săm [u\t ân gu\ nkre tâm ngih săm [u\t yor ri ma Đinh Khang n’hanh ăp băl ndrel nau rêh, tâm n’gul khay, mô lah du khay tât bar khay ri hăn si\t ta ngih du tơ\. Gu\ tâm ngih săm [u\t, oh geh nai nti mât chăm n’hanh nti\m nti ăp ntil ngăn, yor ri ma nau nti nar lơn blau. Oh Đinh Khang, ngơi:

 ‘ Ngih gâp ngai đah ngih săm [u\t nklăp 10km. Gâp gu\ ta ngih săm [ut aơ geh 4 năm, nai nti ri mât chăm ueh ngăn. Gâp geh săm rnê kon se nti blau”.

Di\ng le\ tâm rnoh rlau 300 kon se  rnoi Bahnar bah Ngih săm [u\t Phổ thông Dân tộc bán trú tiểu học Đăk Roong ko\ gu\ ta ngih săm [u\t ntơm nar ngoay tât nar prăm. Ăp nar mih n’hach, kon se  gu\ 2 pơh, mô lah le\ khay mư si\t ta ngih du tơ\ bar tơ\. Đah ăp Kon se, nai nti kơt lah me mbơ\ bah nơm. Ăp me mbơ\ ko\ đăp mpăn đo\ng rnôk njoăl kon gu\ nkre tâm ngih săm [u\t. Wa Đinh Thị Hoan, geh kon dôl nti ta ngih săm [u\t Dân tộc bán trú Tiểu học Đăk Roong, ngơi:

 ‘ Me mbơ\ ngăn lah pah kan [ư lo\ [ư mir, njoăl kon ta aơ ri rnơm ngăn. Rnơm nau kơl an bah ăp nai nti\m nti ma phung hên ân kon gu\ nkre ta aơ gay ma nti. Ăp kon se gu\ ta ntu\k, yor nau mât chăm bah ăp nau nti”.

Nau rêh bah ăp nai nti tâm ngih săm [ut bán trú Tiểu học Đăk Roong hôm âk nau jêr, yơn lah hôm du nuih n’hâm mât chăm ân kon se. Tâm rnôk nchrăp tât yan sial puh ăp năm, ăp nai nti kon se tâm rgop kơl êng, bonh đă nau rgop prăk gay rvăt kho ao răm ân kon se. Prăk geh tâm rgop geh ri mô âk ăp nai hăn ngai ti\ng trong bri, luh tât nkuăl gay ma rvăt kho ao tâm ntu\k tăch ndơ thuk leo nsi\t, jêh ri pih ân kloh ân kon se nsoh. Ăp rnôk geh kon se ji kuet duh kop, nai nti lo\ [ư nau kan bah nu\ih me, nu\ih mbơ\, mât chăm ân. Nau tâm dăch dơh n’hanh u\ch ro\ng bah nai nti ta aơ ueh ngăn, pơk nau nsôih ân kon se rlet rlau nau jêr bah nau rêh, mât chăm ân kon se hăn nti. Nai nti Nguyễn Thị Bích Ngọc, nti kon se jrâu 1 ta Ngih săm [u\t Phổ thống Dân tộc Bán trú Tiểu học Đăk Roong, xã Đăk Roong, ngơi:

 ‘Ntơm rnôk gâp lăp nti kon se ta ngih săm [u\t ntơm rnôk mhe ndâk ri, nau rêh hôm geh âk nau mô to\ng n’hanh mâp âk nau jêr ngăn, kon se ri ko\ âk nau mô to\ng năg. Tât đah rmôt ăp nai nti ri ndrel tâm rnglăp n’hanh doh rklaih ăp nau jêr. Êng đah ăp ngih săm [u\t geh nau nơih, tât ta aơ kon se geh mâp đah nai nti [a [ơ n’hanh tâm dăch dơh lơn. Ntơm tă bah nau nê ma bonh đă gâp geh tay nau nsôih gay ma gơih pah kan yor nau kan nti\m nti”.

Tâm nkuăl yôk prệ, tâm xã jêr jo\t ngăn bah Đăk Roong, ngai đah nkuăl Kbang nklăp 70km, yơn ngih săm [u\t Dân tộc bán trú Tiểu học Đăk Roong hôm ntoh lah ngih săm kloh ueh, đah ăp ntil ntu\k păl, ntu\k gu\ rlu, nti\m nti ân rlau 300 kon se. Geh nau dơi ueh kơt nê, ăp nai nti\m nti ta aơ mô rlu nsôih, nkre lơi n’hâm, lơi prăk, nkre kuăl jă [on lan kơl an, rgop âk nau kơl tâm n’hanh ba dih n’gor gay ndâk. Nau nti\m nti ta aơ ko\ geh n’hao ăp năm n’hanh a[aơ ho\ jêng ntu\k ntoh ang mpeh ngih săm [u\t bán trú bah nkuăl Kbang, n’gor Gia Lai. Wa Phạm Quốc Tuấn, Hiệu trưởng ngih săm [u\t ngơi:

 ‘ Tâm nau phung hên nsôih, kơl an ăp ntil lah geh nau dơi gay kơl an kon se. Tâm nau nê ri geh âk ntu\k kan ho\ kơp dơn n’hanh kơl an. Ntơm ăp rmôt hăn kơl an tă bah nkuăl [on têh Hồ Chí Minh jêh ri tâm ăp ntu\k êng đo\ng, bu tăng, bu saơ nau kơl an, nau kan bah ăp nai nti, bu ho\ nsum ty gay ndâk njêng jêng ngih săm [u\t aơ”.

Rơh lễ Nar nai nti Việt Nam 20/11 mhe nơh ta xã ach o nkuăl jru Đăk Roong du\t geh nau ueh ngăn. Nklâm ndơ ma ăp nai nti\m nti kon se ndơn ta aơ lah ăp kon bri chăt êng, păng mô geh nau khlay ôh. Yơn lah đah ăp nai nti\m nti kon se ta ngih săm [u\t aơ, nau gơih n’ơr, nau blau nti bah ăp kon se n’hanh nau tâm di nuih n’hâm bah ăp nu\ih me mbơ\ kon se lah nklâm ndơ khlay ngăn. Nê lah nau tă geh jêng ngăn bah nau nsôih bah ăp nai nti tă bah âk năm nsôih yor kon se nti bah nơm, yor nau kan nti\m nti tâm nkuăl jru ngai Đak Roong./.

Nu\ih  blang: H’Thi