Lơ 29/8, ta jay ndeh treng Đà Lạt, nkual ƀon têh Đà Lạt, n’gor Lâm Đồng lĕ mbơh an “Bản đồ pâl nđaih nghệ thuật Đà Lạt”. Bản đô pâl nđaih nghệ thuật Đà Lạt mbơh an bơi 60 ntŭk tât ta nklang nkual ƀon têh Đà Lạt n’hanh du đêt nkual kiău ma dơi ƀư đah 2 nău ngơi Anh n’hanh Việt.

Bản đồ dơi ƀư jêng 8 rmôt, kơt: ntŭk ntô lịch sử n’hanh drăp ndơ yău, ntŭk ntô bri dak, ntŭk ntô mpla nsơ n’hanh ntŭk tât nghệ thuật, ntŭk tât âm nhạc... Nta an năch pâl nđaih dơh gĭt tât n’hanh hăn ƀư ngăn ăp ntŭk pâl nâih, văn hóa, nghệ thuật. Dŭt năm 2023, Đà Lạt na nê̆ jêng ntŭk ntô ăp nkual ƀon têh mĭn ƀư mhe bah UNESCO tâm ntil nău âm nhạc. Nău ndâk ƀư bản đồ pâl nđaih nghệ thuật Đà Lạt lah ngoăy tâm 3 nău ƀư mhe gưl n’gor gay ƀư di ăp nkô̆ nău lĕ ton rnôk lăp trong ƀư, kơt ntrôl nău ƀư tơm bah văn hóa n’hanh mĭn ƀư mhe hun hao nâp nâl.