Tĭng nău mbơh bâh ntŭk kan văn hóa, thể thao n’hanh pâl nđaih Đak Lăk, ta rơh rlu lễ Quốc khánh năm aơ, ăp ntŭk pâl rlưn ta n’gor lĕ geh vơt klâp ma 130 rbăn năch, tâm nĕ geh klâp ma 2.500 rơh năch dak bah dih. Tâm rnoh năch gŭ rlu geh 75 rbăn năch, nău dơi dŏng ntŭk rlu geh klâp ma 70%. Lĕ nău geh pâl nđaih ta rơh rlu lễ klâp ma 85 rmen prăk. Lĕ ma rnoh năch, rnoh năch gŭ rlu n’hanh năch dak bah dih ta n’gor năm aơ lĕ hao rlău 2-3 tơ̆ đah năm 2023. Wa bu ur Nguyễn Thụy Phương Hiếu, groi Giám đốc ntŭk kan văn hóa, thể thao n’hanh pâl nđaih n’gor Đăk Lak an gĭt, ta rơh lễ Quốc khánh năm aơ ta n’gor geh âk nău pah kan văn hóa, pâl nđaih. Bâh ăp nău pah kan aơ, Đăk Lăk lĕ ntơm bôk năp geh rdâk njêng rup ueh dăch mêr, geh âk năch tât.