Ôi ntri (1/1), ta nkual ƀon têh Buôn Ma Thuột, Hội Liên hiệp druh ndăm Việt Nam n’gor Dak Lak, câu lạc bộ Dak Lak runners n’hanh Team Thể dục - Khoẻ kan nsum đah mpôl leo tâm rlong nchuăt geh moh "Bước chân của Rồng" mbah rhơn năm mhe 2024. Tâm rlong nchuăt wăch rgum rlău 600 nuĭh tâm rlong lam dak đăng ký râng, tâm nê geh du hê nuĭh tâm rlong nuĭh Nhật.

Ăp nuĭh tâm rlong geh rnoh năm deh êng êng, dŭt jê̆ 5, 6 năm deh n’hanh dŭt âk lah 72 năm deh. Đah bar njăr jong lah 5 km n’hanh 24 km, ăp nuĭh tâm rlong ntơm hăn bah rnôk 5h ôi, nchuăt njok ăp trong ta trôm nkual ƀon têh mhe ta km7, phường Tân An, nkual ƀon têh Buôn Ma Thuột. Nuĭh tâm rlong dơi tât ăp njăr trong nê dơi dơn geh huy chương nkah ndray. Dŭt jêh tâm rlong, mpôl tơm ƀư hŏ ndơ̆ an 20 ndơ nkhôm rnê: nhất, nhì, ba an ăp nuĭh tâm rlong bu ur, bu klô geh nău dơi dŭt uĕh ta ăp njăr trong./.