Tĭng nkô̆ nău 2 ding lĕ geh ký ton, tâm rnôk ƀư tĭng nău nchrăp kan bâh 2024 tât 2026 đah lĕ rnoh kơl an mô mplơ̆ tay bâh chính phủ Nhật Bản lah 1,83 rmen yên, tâm ban dah klâp ma 300 rmen prăk, geh nđâp lĕ rngôch ăp rnoh prăk geh tât.

Nchrăp ndơ dŏng dak si mbra geh pă jao an ngiyh dak si K ndơ̆ lăp dŏng ta ăp khay dŭt năm 2025. Ndơn kan an chính phủ Nhật Bản lah na nê: Nău nchrăp kan mbra geh kơl an dŭt âk bâh mpeh đah chính phủ 2 dak, lah nău an saơ na nê̆ an nău tâm boh kan Việt Nam-Nhật Bản, dak kan ndrel dŭt khlăy lĕ rngôch yor nău đăp mpăn n’hanh têh kuăng ta châu Á n’hanh ta lam ntur neh di rơh kahgĭt 50 năm nar njêng tâm boh kan đah 2 dak. Ntoh ngơi ta rơh lễ, kruanh n’gâng kan dak si Đào Hồng Lan lah na nê̆, aơ lah nău nchrăp kan dŭt khlăy tâm nău n’hao nău dơi uănh, săm ji pưm nko bâh n’gâng kan dak si Việt Nam.