Ta năp nĕ, ta rơh rƀŭn nchră aơ, chính phủ lĕ mbơh tơih nău nchrăp hun hao wăng sa rêh jêng ăp khay bôk năm 2024. Tĭng nĕ, bâh bôk năm 2024 tât aƀaơ, nău ta lam ntur neh geh tât nău jêr tay, jêr njrăng đah âk nău jêr jŏt, ntul rlong têh.

Na nê̆, nău ngăch hun hao GDP pe khay bôk năm 2024 bol ma lĕ geh rgâl yơn ê hŏ geh plơ̆ tay kơt ơm, ê hŏ tŏng gay ma njêng ăp nău mhe an hun hao nâp nâl n’hanh ê hŏ geh dơi kơl dak he bah nău  mô hŏ dơi hao dăng. Nău pah kan jan sa , tăch rgâl bâh doanh nghiệp hôm nha geh âk nău jêr, rnoh doanh nghiệp  rhoăt luh ntŭk tăch rgâl âk lơn đah rnoh doanh nghiệp lăp kan n’hanh lăp tay ntŭk tăch rgâl. Ta năp nĕ, tâm nchră ta rmôt, du đê̆ nău tâm rgop đại biểu an lah hun hao pe khay bôk năm 2024 geh dŭt âk, đă ntop tay nău nchrăp kan hun hao hnăm 2024 âk lơn gay ma geh trong kan, nău kơl kan leo kan tâm di đah nău hun hao n’hanh nău ngăn geh ngluh mbơh.