Ta rơh tâm nchră, đại biểu lĕ tâm nchră, tâm rgop ăp nău kan na nê̆ tâm nău nchrăp Luật, tâm nĕ rgum ƀư ueh kloh jăp du đê̆ nău, nău ngơi geh dŏng ê hŏ tâm di mô lah ê ho tŏng ăp, ntop ƀư kloh ueh tay lơn du đê̆ nkô̆ nău ê hŏ geh kloh rjăp tâm nău nchrăp Luật.

Wa Tô Thị Tâm, kruanh Hội liên hiệp bu ur n’gor Đăk Lăk uănh năl, ăp nău tâm rgop bâh đại biểu lĕ rgum ƀư kloh na nê̆ lơn âk nkô̆ nău lĕ geh nkoch mbơh tâm nău nchrăp Luật, kơt lah: an geh tâm nchră mât đăp mpăn tâm ban bu ur bu klô, mât uănh an tâm di tât bu ur, oh bu ur. Nău kan kơl an, dơn kan, mât, kơl an nuĭh geh nău tât, nuĭh dôl tâm rnôk lah nuĭh geh nău tât an geh ngăch kơl, tâm di. an geh njrăng bâh ăp trong kan dơh geh nde dŏng gay ma rvăt tăch nuĭh kơt lah: pâl nđaih, hăn kan dak bah dih, dơn kon rong, tâm gŭ ur sai đah nuĭh dak bah dih.