Tâm khay rlu nti năm aơ, n’gor Dak Lak rgum ƀư âk nău kan ntrŭt ntrôl âk pâl nđaih tâm dak gay wăch rgum năch tât đah n’gor. Đah nkô̆ “Nuĭh Việt hăn pâl nđaih  Việt – Việt Nam gâp rŏng”, tâm khay pâl nđaih rlu nti năm aơ, n’gâng kan pâl nđaih n’gor Dak Lak ntrôl âk nkoch trêng, nkơnh n’hơ rup gui “Dak Lak – Ntŭk tât đăp mpăn, dêh bên, săk tơm Tây Nguyên” tât năch pâl nđaih.

Ndăn dŏng ăp trang mạng xã hội, ăp nar Hội chợ pla n’hơ mpeh pâl nđaih gay pơk hvi ntŭk an năch săk geh. N’gor rgum ƀư âk nău kan văn hóa, lễ hội têh n’hanh tât rơh đŏng kơt: bôk nău kan ƀư njroh mprơ chĭng gong n’gloh bri dak têh hvi; lễ hội sầu riêng Krông Pắk tâl 2. Đăng cai, ƀư tâm rlong thể thao lam dak, dak bah dih; rdâk njêng ăp ndơ geh ƀư pâl nđaih ntĭt êng, rlong uănh saơ  văn hóa drăp ndơ ơm yău ntlơi an tay, pâl nđaih nsum mpôl lam ƀon lan, pâl nđaih bri dak, ăp ndơ geh ƀư pâl nđaih nđĭr uĕh, rlong uănh saơ pâl nđaih mir ba hăn uănh pâl mir cà phê, sầu riêng, mắc ca, tơm sa play n’hanh rlong sa kah ndơ tâm ƀon lan.