Ta nkual ƀon têh Buôn Ma Thuột, n’gor Dak Lak, mhe ƀư Tâm nđŭr Nghệ thuật mprơ then-đàn tính pơk hvi rơh tal 2, đah rlău 250 nghệ nhân râng. Đah bôk nău “Giai điệu quê hương”, Tâm nđŭr wăch rgum 15 ntŭk kan bah ăp n’gor Dak Lak, Dak Nông n’hanh Lâm Đồng râng. Du ntŭk mprơ bah 3 tât 5 nău mprơ, geh đơn mprơ, dân vũ n’hanh gŏ đơn bah ăp rnoi nuĭh mpeh Bắc.

Bơi 70 nău mprơ dơi nchrăp uĕh, geh nkô̆ nău rnê rhơn Đảng quang vinh, Wa Hồ he; nău way ơm lơh n’gang cách mạng, nău rŏng ƀon tơm neh dak, kon nuĭh; nkoch nău nsing nơm bah nuĭh ƀon lan tâm nău rđău bah Đảng, n’hao nuih n’hâm tâm rnglăp, ndrel ndâk njêng ƀon tơm.... Bah meng nĕ ăp nău mprơ lĕ dơi rklă ơm ri ăp nkô̆ nău ƀư mhe tâm ăp nău jă tâm di n’hanh geh nău mhe.