VOV4.M'nông: Nău kơl trok prăk mât uănh bri bah rnôk dơi mbơh [ư le\ geh âk nău ntru\t du\t n’hâm tât trong kan mât njrăng bri ta nkual mât ndray bri Ngọc Linh, nkuăl Đăk Glei, n’gor Kon Tum. Lơn lah, tâm 2 năm plơ\ ma aơ, tơm prăk bah ntêm nkrem trok mât njrăng bri tâm pă tât nkual mât ndray hao du\t âk, lah n’hâm soan du\t khlay gay [ư trong kan mât uănh, njrăng n’gang bri t^ng trong nâp nâl ta aơ

            Kônh wa nu^h Jeh Triêng ta [on Đăk Gley, xã Đăk Choong, nkuâl Đăk Glei, n’gor Kon Tum ho\ râng dơn mât njrăng bri đah Ban mât uănh Nkual bri mât Ngọc Linh tât a[aơ ho\ rlău 10 năm. T^ng wa A Cút, nu^h ta [on Đăk Gley, ntơm nơh, kônh wa hăn mu^h bri [ư mir, nău dja le\ mô hôm geh, rgâl tâm nê, kônh wa nsrôih tâm mât njrăng bri. Bri ns^t tay tơm geh wa\ng sa an kônh wa n’hanh kônh wa ho\ n’hao nău g^t êng mpeh rnoh khlay bri dak, mât njrăng neh ntu bah bri đo\ng:

            “Bri ta aơ, ntơm nơh ri geh mu^h kăl n’hang, hôm a[aơ bri s^t jêng tay. A[aơ geh mât njrăng hôm, nsih n’gar mât njrăng lhăt, kônh wa mô hôm mu^h kăl đo\ng ôh. Kơt gâp, ri du\t mpo\ng, rgo\ jă kônh wa lơi [ư t^ng kơt kăl e nơh đo\ng ôh, a[aơ mât ndray, mât njrăng ri jêh aơ tay ns^t geh wa\ng sa du\t ue\h”.

            T^ng wa A Điêng, Groi kruanh rmôt mât njrăng bri [on Đăk Gley, kônh wa dơn mât njrăng bri bơi 700ha bri mpeh Tiểu khu 53, Nkual mât ndray mpô mpa bri Ngọc Linh. Gay mât ndray geh nău tam neh bri dja, 176 rnăk [on lan tâm [on tâm pă jêng 6 rmôt gay tâm pleh mât njrăng bri. Nău way, rsong hăn mât njrăng bri [ư tâm ôi nar 6 n’hanh nar pơh ăp pơh, yơn geh rnôk, tăng geh nău lư m^n geh nu^h lăp bri lơh joi si, kônh wa hăn ntru lơh le\ ma măng ang đo\ng. ăp năm dăch aơ, r^ng ăp năm, [on dơn geh bơi 300 rkeh prăk bah nău mât njrăng bri. Rnoh prăk dja to\ng gay ma ntuh kơl nkra du đêt ndơ do\ng khlay kơt jay rot mô lah do\ng tâm ăp nar lễ khlay bah [on, kơl rnăk ach o, rnăk ndrô ranh, hôm [a [a\ gay tâm pă an ăp rnăk:

            “Tâm neh bri mât njrăng lah kônh wa [ư rsong uănh, treng nđôi, klach ăp nu^h bah dih mô lah [on êng lăp tâm bri lơh joi si tâm bri he mât  njrăng. Jêng leo [ư hăn rsong uănh, ăp tơ\ hăn t^ng rmôt [ư hăn rvoăl. Trong hăn way lah du\t ue\h, mô geh nu^h lăp lơh tâm bri, kônh wa dơn mât njrăng bri ta ntu\k nê”.

            Nkual mât ndray mpô mpa bri Ngọc Linh a[aơ dôl mât bơi 38.000ha bri n’hanh kơt lah le\ rngôch neh bri dôl pă an trok prăk săm mât njrăng bri da dê đah bar nkual khlay bah 2 thuỷ điện Ia Ly n’hanh Đăk Mi 4. Aơ lah ngoăy tâm ăp ntu\k dơn geh trok prăk săm mât njrăng bri du\t âk ta n’gor Kon Tum tâm ban kơt ta nkual Tây Nguyên đo\ng. Tâm nê, năm 2017, Ban dơn geh bơi 14 rmen prăk. Hôm năm 2018, nchrăp, t^ng nău rgâl bah Nghị định 147 bah Chính phủ, n’hao rnoh âk trok prăk săm mât njrăng bri đah ntu\k do\ng [ư thuỷ điện hao bah 20 rêl prăk/kWh hao 36 rêl prăk/kWh, Ban mbra dơn geh bơi 19 rmen prăk.

            Ntơm bah tơm prăk săm mât njrăng bri, Ban mât njrăng bri ho\ [ư jao mât klu\p 15.000ha an 49 [on lah rnoi mpôl đê|  [on tơm ta ntu\k gu\ rêh dăch kêng bri đah rnoh khlay du\t đêt lah 400.000đ/ha/năm, nchrăp mbra [ư jao mât tay 8000ha đo\ng an 30 [on ntơm bah aơ tât kêng du\t năm. Prăk trok săm mât njrăng bri lah tơm ndơ du\t khlay gay Ban kan nsum đah [on lan t^ng [ư pah kan mât njrăng bri t^ng trong r[o\ng jo\ jong./.

Nu^h nchih rblang: Điểu Thân