VOV4.M’nông: Đah nău nsrôih du\t têh bah Đảng, Ngih dak, Quốc hội, tâm ăp năm kan mhe aơ, rnoh đại biểu lah nu^h rnoi mpôl đê| râng ăp nhih pah kan [on lan sơch an nar lơn ma âk. Yơn lah, gay [on lan nu^h rnoi mpôl đê| nar lơn ma rgop âk lơn nău ngơi ta ăp nhih pah kan [on lan sơch an ri du\t u\ch geh nău lăp kan dăng lơn bah ăp gưl, n’gâng kan.

            Tâm 4 nhiệm kỳ Quốc hội mhe aơ, rnoh đại biểu nu^h rnoi mpôl đê| âk bah 15,6% tât 17,27% le\ rngôch rnoh âk đại biểu Quốc hội. Đại biểu lah nu^h rnoi mpôl đê| râng Hội đồng nhân dân gưl n’gor năm kan 2011- 2016 lah 688 nu^h, âk 18%; gưl nkuâl n’hanh gưl xã âk rlău 20%. Ta rnôk rgum nchră Quốc hội, âk đại biểu nu^h rnoi mpôl đê| le\ geh ăp nău rgop khlay tâm ăp nău n’glêh an bah Quốc hội, lơn lah ăp trong kan geh tât nu^h rnoi mpôl đê|. Năm kan khoá 13 mhe aơ nơh, Quốc hội le\ [ư groi nđôi gưl têh nău t^ng [ư trong kan, pháp luật mpeh mât do\ng neh ntu ta ăp nông, lâm, trường ngih dak. Tâm năm kan dja đo\ng, lor bôk năp, Bộ trưởng, Chủ nhiệm Uỷ ban dân tộc Giàng Seo Phử le\ ơh nău ôp bah ăp đại biểu geh tât bôk nău kan 135, nău ngăn geh n’hanh trong nkra dăp rgum tâm pă ntu\k [on lan gu\ nkual way geh trôk nar lơh, nkô| nău dah ro\ng ntrơn du, nt^m nti nău kan, neh gu\, neh tuch tăm an [on lan nu^h rnoi mpôl đê|. Nău dja an saơ, đại biểu nu^h rnoi mpôl đê| nar lơn ma geh nău ngơi tâm ăp nhih pah kan [on lan sơch an. Yơn lah, t^ng wa Lù Văn Que, Chủ nhiệm Hội đồng mbơh nti mpeh nu^h rnoi mpôl đê| bah Mặt trận Tổ quốc Việt Nam, bol ma ăp năm kan mhe aơ, rnoh âk đại biểu lah nu^h rnoi mpôl đê| tâm ăp nhih pah kan [on lan sơch an way âk lơn rđ^l đah rnoh nu^h [on lan, yơn nha geh du đêt rnoi nu^h mô ho\ tă geh nu^h ntơh măt tâm nhih pah kan dơi kan du\t têh ngih dak:

            Khoá 11 geh 22 rnoi nu^h mô ho\ dơi râng Quốc hội, khoá 12 geh 22 rnoi nu^h mô ho\ dơi râng đo\ng. khoá 13 geh 78 đại biểu nu^h rnoi mpôl đê| ri geh 24 rnoi nu^h mô ho\ dơi râng Quốc hội n’hanh lơn lah geh 5 rnoi nu^h mô ho\ dơi râng Quốc hội ăp khoá. Gâp dăn đă ân m^n uănh na nê| lơn, n’hao tay ăp đại biểu ta ăp rnoi nu^h yor nău dja mpơl nău tâm ban đah ăp rnoi nu^h.

            I ngăn an saơ, nău tâm r^ng g^t blău bah ăp nu^h rnoi mpôl đê| uănh nsum hôm đêt, nău geh wa\ng sa, văn hoá, rêh jêng kon nu^h hôm âk jêre jo\t. Âk nu^h mô g^t săm[u\t n’hanh ngơi yăn jêng du\t jêr tâm pah kan nkoch trêng sơch lăp bầu cử. Lor bôk năp râng gay sơch lăp tâm nhih pah kan [on lan sơch an, nô Hoàng Quốc Khánh, rnoi nu^h Giáy ta Lai Châu an g^t: Bol ma dơi nhih pah kan mbơh n’hanh nta ăp trong dơh râng ăp jrô kơi năp nti gay ma joi g^t, r[ah nău lư rho\ do\ng an nău kan gay sơch lăp, yơn đah ăp nu^h gay sơch lăp lah nu^h rnoi mpôl đê| ta ăp n’gor yôk yang kơt nô, hôm râng lor bôk năp đo\ng jêng nău dơi tât đah nău lư n’hanh nău blău rgo\ jă tâm rlong, rdâk njêng bôk nău kan, bonh leng [on lan hôm du\t jêr. Aơ lah mpêr n’gar nking kol mô đêt, [ư mô lăng geh nău dơi đah ăp nu^h gay sơch lăp lah nu^h rnoi mpôl đê|. Nô Hoàng Quốc Khánh lah:

            “Ndơ do\ng ta nkual yôk prêh, nkual nu^h rnoi mpôl đê| nău mpôl hên tât đah ăp nău lư mhe, duh ndal hôm đêt rđ^l đah bri dâng. Tâl bar lah ta nkual nu^h rnoi mpôl đê| ri nău g^t blău bah [on lan hôm mô ho\ tâm ban jêng rnôk tât mâp đah [on lan, rgo\ jă ân roh du\t âk n’hâm soan gay kônh wa r[ah g^t”

            Mô dơn nê, ăp nu^h gay sơch lăp lah nu^h rnoi mpôl đê| hôm way t^ng nkre du\t âk nu^h dăp rgum đo\ng kơt lah nu^h gay sơch lăp bu ur, mom, lah nu^h bah dih Đảng. Aơ lah jêr jo\t tâm pah kan an [ư rgo\ jă bầu cử tâm ban kơt đăp mpăn nău u\ch geh du\t n’hâm đê| 18% le\ rngôch rnoh đại biểu Quốc hội lah nu^h rnoi mpôl đê| đo\ng. wa Nguyễn Lâm Thành, Groi kruanh Hội đồng dân tộc bah Quốc hội an lah, nău dơi lăp nsing du\t têh tâm rnôk sơch nu^h n’hanh rnôk rgo\ jă tâm rlong. Jêng, gay dơi geh nău u\ch tât kơt trong nchrăp, ân geh nău rđău đă rgum, tâm ban u\ch bah gưl uỷ Đảng n’gâng kan n’hanh nău nsrôih, tâm ban u\ch bah ăp nhih pah kan n’gâng kan, Mặt trận Tổ quốc Việt Nam tâm pah kan bầu cử, ntơm bah hiệp thương mbơh nu^h gay sơch lăp tât rơh rgo\ jă tâm rlong. Gay pă an ăp nău g^t blău [ư nău kan rgo\ jă an ăp nu^h gay ma sơch lăp nu^h rnoi mpôl đê|, nar 21 khay 4 mhe aơ, Hội đồng dân tộc bah Quốc hội le\ [ư pơk jrô nti kơi năp nău g^t blău rgo\ jă tâm rlong an 90 nu^h gay sơch lăp đại biểu Quốc hội khoá 14 n’hanh đại biểu Hội đồng nhân dân năm kan 2016- 2021 lah nu^h rnoi mpôl đê| ta 17 n’gor mpeh Bắc. Kêng du\t khay dja, 1 jrô nti mbra dơi [ư an ăp nu^h gay sơch lăp lah nu^h rnoi mpôl đê| ta ăp n’gor mpeh bah dâng đo\ng. wa Nguyễn Lâm Thành an g^t:

            Âk nu^h gay sơch lăp lah rnoi nu^h du\t đêt nu^h, hôm lah nu^h gay sơch lăp ta nkual jru ngai đo\ng. Jêng nkô| bah jrô nti rơh dja bah Hội đồng dân tộc lah gay kơl an ăp nu^h gay sơch lăp lah nu^h rnoi mpôl đê| geh tay nău g^t, nău blău n’hanh geh tay nău han săk, nău nsing nơm gay [ư ăp rơh rgo\ jă tâm rlong an he ue\h lơn, gay mpo\ng nău geh dơi sơch âk lơn.

            Ăp jrô nti kơt nê| lah du\t khlay gay ns^t tay nău dơi âk lơn an ăp nu^h gay sơch lăp lah nu^h rnoi mpôl đê|. Yơn mpeh jo\ jong, gay n’hao âk rnoh đại biểu nu^h rnoi mpôl đê| tâm Quốc hội ri ăp gưl, ăp n’gâng kan ân geh ăp nău kan le\ n’hâm soan lơn đo\ng gay quy hoạch, njêng tơm kơi năp nti an rmôt cán bộ nu^h rnoi mpôl đê|. Ntơm bah nê rgop t^ng [ư geh nău dơi trong kan nu^h rnoi mpôl đê| bah Đảng, ndơ\ mpeh yôk yang, nkual [on lan nu^h rnoi mpôl đê| t^ng kơn hun hao tâm n’gâng kan hun hao nsum bah neh dak./.

Nu^h rblang: Điểu Thân