VOV4.Mnông: Ndrel đah ăp nău ôp khâl mbơh nău rngot klâng bâh âk nu^h leo kan ăp ngih dak ta lam ntur neh, ntu\k kan mbơh nău mhe lam ntur neh ăp nar ba năp le\ nchih â nău nchih mpeh nău kh^t bâh kruanh dak Trần Đại Quang, đah nău rngot klâng du\t n’hâm.

Lôch geh tăng lư kruanh dak Việt Nam kh^t ta nar 21/9, âk ăp ntu\k kan mbơh nău mhe lam ntur neh le\ nchih nău mbơh, nkre nchih nău rêh nău kan bâh kruanh dak Trần Đại Quang, nkre lah nkoch tât nău tâm rgop kan ntoh lư bâh kruanh dak đah [on tơm, neh dak. Âk nău nchih lah na nê| tât nău kn bâh kruanh dak Trần Đại Quang tâm ntrong kan nchră nău đah dak bah dih, kơl n’hao nău dơi kan n’hanh nău knơm bâh Việt Nam ta ntu\k kan đah lam ntur neh.

N’ha báo Granma bâh Cuba geh nău nchih: “Cuba mbra hăn ndrel đah Việt Nam ta năp nău kh^t bâh kruanh dak Trần Đại Quang”. Nău nchih an lah nău kh^t bâh kruanh dak Việt Nam lah du nău roh têh mô dơn đah neh dak Việt Nam ma hôm nha đah Chính phủ n’hanh [on lan Cuba ta nău tâm boh tâm rnglăp n’hanh tâm kơl đah bar dak. Mô dơn kơt ne\, kruanh dak Trần Đại Quang hôm nha geh nău mpơl ueh êng rnôk lah kruanh dak bâh dak bah dih nglâ| du\t ma nu^h leo kan cách mạng Cuba Drô Fidel Castro le\ mâp ê lor păng kh^t. hôm n’ha báo Prensa Latina le\ kuăl đă kruanh dak Trần Đại Quang lah du hê nu^h băl têh bâh Cuba, nu^h le\ ntrôl dăng nău tâm boh way pm bâh nău tâm rnglăp oh nô đah bar mpôl rnoi.

N’ha báo Trung Quốc (Chinadaily) le\ geh nău nchih mpeh ăp nar pah kan nsrôih bâh kruanh dak Trần Đại Quang, đah nău leo rơh vơt ngơi ăp kruanh mpôl râng đại hội ăp ntu\k kan kiểm toán gâl têh châu Á (ASOSAI) tal 14 ta thủ đô Hà Nội 2 nar ê lor păng kh^t.

Tâm rnôk ne\, n’hao báo Gazeta, hãng thông tấn TASS bâh Nga le\ nkah tay ăp nău ntop kan khlay bâh kruanh dak Trần Đại Quang an nău tâm boh ueh đah Nga n’hanh Việt Nam. Ăp n’ha báo le\ nchih tay du nău ôp nău yor hãng thông tấn TASS [ư đah kruanh dak Trần Đại Quang ta năp rơh tât khâl Nga ta năm 2017, t^ng ne\ lah na nê| Nga n’hanh Việt Nam way geh du nău tâm rong ueh, geh an saơ bâh âk năm khay, âk nău kan.

Hôm ăp ntu\k kan mbơh nău mhe têh bâh Mỹ kơt lah CNN, Bưu điện Oasington le\ rnê ăp nău tâm rgop têh bâh kruanh dak Trần Đại Quang tâm nău ntrôl tâm boh bar ding, đah du nău mpơl saơ khlay bâh ăp rơh tâm chră đah 2 hê nu^h kan Tổng thống Mỹ lah Barack Obama n’ ta khay 5/2016 n’hanh Tổng thống Mỹ Donald Trum khay 11 năm e.

Ăp ntu\k kan mbơh nău mhe têh bâh Nhật Bản kơt lah Đài NHK, nău mhe Nhật Bản (Japan News), Thời báo Nhật Bản (Japan Times), A-sa-hi (Asahi),.... le\ nkoch tay nău têh nău kan, tâm ne\ nkoch tat nău kan khlay ma kruanh dak Trần Đại Quang le\ tă leo [ư bah năm 1975 tât a[aơ.

Ăp ntu\k kan mbơh nău mhe AFP bâh Pháp n’hanh Reuters bâh Anh mbơh nău nu^h ntoh nău ngơi kruanh n’gâng kan nchră nău đah dak bah dih Trung Quốc Cảnh Sảng rnê kruanh dak Trần Đại Quang lah du hê nu^h leo kan ntoh lư n’hanh geh âk naư ntop ta nău kan rgâl mhe n’hanh hun hao pơk mpông bâh Việt Nam.

Đah băl mpôl lam ntur neh, kruanh dak Trần Đại Quang lah du hê nu^h leo kan ntoh lư, du hê nu^h băl ueh, geh nău ryơk bâh [on lan n’hanh băl mpôl lam ntur nhe. Gay ma mpơl nău rngot klâng ta năp nău kh^t bâh kruanh dak Việt Nam, âk mpôl leo kan têh ăp dak le\ tât Việt Nam râng kh^t lam dak wer kh^t tâm 2 nar 26 n’hanh 27-9. ta Cuba, Lào n’hanh Thái Lan ver kh^t lam dak geh [ư đo\ng gay ma kahg^t tât kruanh dak Việt Nam Trần Đại Quang.

Nu^h rblang: Thị Đoắt